Ձեր վստահելի աղբյուրը

Երևանի Ազատության հրապարակից մեկնարկած սգո երթը դեպքի նախագահական նստավայր ավարտվեց: Երթի մասնակիցների պահանջն էր՝ Գյումրիում Ավետիսյանների ընտանիքի անդամների բարբարոսաբար սպանության առնչությամբ հայտարարել Սգո օրեր և ոճրագործության քննությունն իրականացնի Հայաստանի արդարադատությունը: Նախքան երթը Ազատության հրապարակում քաղաքացիները մոմեր վառեցին ի հիշատակ Ավետիսյանների ընտանիքի:

Ակցիայի մասնակիցներն իրենց թևերին սև ժապավեններ են կապել: Նախագահական նստավայրի մոտ նրանք մեջքով կանգնեցին՝ ի նշան բողոքի։

Հիշեցնենք, որ հունվարի 12-ին Գյումրի քաղաքի Մյասնիկյան փողոցի թիվ 188 տանը ընտանիքի վեց անդամին գտել էին սպանված, իսկ 6 ամսական երեխան տարբեր վնասվածքներով տեղափոխվել էր հիվանդանոց:  Գործով մեղադրյալ է ներգրաված Գյումրիում տեղակայված ռուսաստանյան զորքերի թիվ 102 հենակետի ժամկետային զինծառայող Վալերի Պերմյակովը: ՀՀ գլխավոր դատախազության նախօրեին տարածած հայտարարության համաձայն Վ. Պերմյակովին ՀՀ իրավապահներին հանձնելու հարց չի քննարկվում, նկատի ունենալով ՌԴ սահմանադրության 61-րդ հոդվածի 1-ին կետում ամրագրված արգելքը՝ համաձայն որի, ՌԴ քաղաքացին չի կարող հանձնվել այլ պետության:

Վ. Պերմյակովին՝ հայ իրավապահներին հանձնելու և նրան ըստ Հայաստանի օրենքների  պատասխանատվության ենթարկելու պահանջով այսօր բողոքի երթ անցկացվեց Գյումրիում: Գյումրեցիները 22 ժամ տվեցին Հայաստանի իշխանություններին` իրենց պահանջը կատարելու համար:

Նախորդող հրապարակումներ՝
Շիրակի դատախազը՝ գյումրեցիներին. Ոչ մի բան ի վնաս մեր պետության շահերի չի լինելու
Գյումրի. Շիրակի դատախազը մոտեցել է ակցիայի մասնակիցների
Գյումրի. Ավտոերթի մասնակիցները շարժում են դեպի ռուսական 102-րդ ռազմաբազա