Ձեր վստահելի աղբյուրը

Ադրբեջանի խորհրդարանի պատգամավոր Ֆազիլ Մուստաֆան ֆեյսբուքյան իր էջում, ինչպես նաև տեղի հեռուստաընկերություններից մեկի եթերում բացեիբաց հայտարարել է, որ պատմության մեջ Ադրբեջան անունով պետություն չի եղել: Այս մասին հայտնում է ադրբեջանական Moderator.az լրատվակայքը:

«Ես ընդամենը մեկ փաստ գիտեմ, որ Ադրբեջան անունով պետություն առաջին անգամ ստեղծվել է միայն 1918 թվականին: Ես այս մասին ասել եմ նաև հեռուստատեսությամբ: Այսօրվա Ադրբեջանն էլ այդ պետության ժառանգորդն է»,-պնդում է պատգամավորը՝ հավելելով՝ եթե առարկող կա, ապա թող որևէ օրինակ բերի ու փորձի համոզել:

Նրա խոսքերով՝ ով ասես մտացածին պատմություն ու կեղծ հերոսություն է ստեղծում Ադրբեջանում:

«Իսկ մենք պետք է մեր ժողովրդին ճշմարտությունն ասենք: Թող ոմանք դա ռևիզիոնիզմ կամ թշնամանք անվանեն, միևնույն է», -ասել է նա:

Ադրբեջանի խորհրդարանի պատգամավորը շեշտել է, որ արդեն տևական ժամանակ է, ինչ իր կողմից արված հայտարարությանը հակափաստարկներ չեն հնչել, և առարկողներ չեն եղել:

Նյութեր թեմայի շուրջ՝
Ադրբեջանը ռազմական հարուստ պատմություն չունի, և իրեն է վերագրում Թուրքիայի պատմական հերոսական դրվագները. ադրբեջանցի պատգամավոր
Ադրբեջանի պատմության դասագրքերում հայերից բացի նոր թշնամի է հայտնվել` վրացիները
Ինչպես է Ադրբեջանը կեղծում պատմությունը. Ռուբեն Գալիչյան