Ձեր վստահելի աղբյուրը

Գյումրիում հայ ընտանիքի սպանդի հեղինակ Պերմյակովի գործի քննության հարցը մեծ քննարկումների առիթ դարձավ և բողոքի մեծ ալիք բարձրացրեց: Իրավական առումով, հայտնի է, որ ՀՀ և ՌԴ միջև կնքված պայմանագրի համաձայն, այն հանցագործությունները, որոնք չեն առնչվում ՀՀ-ում ռուսական ռազմաբազայի գործունեությանը, պետք է քննվեն ՀՀ իրավապահ մարմինների կողմից: Մինչդեռ, մեջբերվում է ՌԴ Սահմանադրությունը, որով նախատեսվում է ՌԴ քաղաքացիների գործած հանցագործությունների քննությունը հանձնել ՌԴ իրավապահ մարմիններին: Այս հարցի շուրջ Panorama.am-ը զրուցել է միջազգային իրավունքի մասնագետ Տարոն Սիմոնյանի հետ:

-Պարոն Սիմոնյան, Պերմյակովի գործով իրավաբանները նշում են, որ ՀՀ և ՌԴ միջև կա կնքված պայմանագիր, որով ռազմաբազայի գործունեության հետ չառնչվող հանցագործությունները պետք է քննեն ՀՀ իրավապահ մարմինները: Սակայն տեսնում ենք, որ պատկերն այլ է: Արդյո՞ք այստեղ ՀՀ-ն և ՌԴ-ն չեն խախտում իրենց միջազգային պարտավորությունները:
-Իհարկե, ՀՀ և ՌԴ միջև կնքված պայմանագիրը միջազգային իրավունքի մաս է, և կողմերը, հետևելով միջազգային իրավունքի կարևոր սկզբունին՝ pacta sunt servanda (Պայմանագրային իրավունքի Վիեննայի 1969թ-ի կոնվենցի, հոդված 26), պետք է պահպանեն դրա բոլոր դրույթները և չկատարեն քայլեր, որոնք կխախտեն պայմանագրի տառն ու ոգին, առարկան և նպատակը: Մեր պարագայում, իմ կարծիքով, քրեական հետապնդումն ամբողջությամբ պետք է իրականացնեն ՀՀ իրավապահ մարմինները, քանի որ հանցագործությունը (սպանությունը) դուրս է ՀՀ և ՌԴ միջև կնքված պայմանագրի առարկայի շրջանակներից: Ուստի այդպես չանելը, այս իմաստով կարելի է դիտարկել որպես այդ պայմանագրի խախտում: Ավելի ճիշտ կլինի ասել, սպանությունը դուրս է Պայմանագրում նշված բացառությունների շրջանակից:

-Ստացվում է՝ նման դեպքերում հանցագործին հանձնել-չհանձնելու հարցը երկկողմ պայմանագրերո՞վ է միայն որոշվում: Չկա՞ այս հարցում միջազգային իրավական որևէ նորմ, որն ընդհանուր լինի բոլոր պետությունների համար:
-Նման հարցերը կարգավորվում են երկկողմանի կամ բազմակողմանի պայմանագրերով: Մենք նման, հանձնման պայմանագիր ունենք ՌԴ-ի հետ: Բայց հիմա այդ հարցը մեր պաշտոնյանները չեն դիտարկում, որովհետև իրենց կարծիքով կասկածյալը ՀՀ իրավասության տակ չէ:

Նախորդող հրապարակումներ՝
Լարիսա Ալավերդյան. Գյումրիում կատարված հանցագործությունն ունի քաղաքական թե նպատակ, թե աստառ և չեմ բացառում՝ հետևանքներ
Սա մեծ ողբերգություն է և պետք է արագ պարզել մոտիվները. Գագիկ Հարությունյան
Օմբուդսմեն. Ոստիկանության պարտականությունն է պաշտպանել հավաքի մասնակիցների իրավունքները
Եթե գործը եղել է իրավական, ապա այժմ վերածվել է քաղաքականի. Թ. Պողոսյան
ԲՀԿ-ն կոչ է անում տուրք չտալ հակառուսական տրամադրություններին և կոչերին