Ձեր վստահելի աղբյուրը

«Շրջանառության հարկի մասին օրենքի» փոփոխությունների դեմ բողոքող քաղաքացիներն այժմ հավաքվել են նախագահական նստավայրի մոտ: Նրանք ամբողջությամբ փակել էին Բաղրամյան փողոցը, սակայն ոստիկանների պահանջով փողոցի մի հատվածը բացեցին: Հավաքված են մեծ թվով ոստիկաններ: Այնտեղ է նաև Երևանի ոստիկանապետ Աշոտ Կարապետյանը:  Նա ասաց, որ եկել է ստուգել ծառայության ընթացքը. «Իմ գործառույթի շրջանակում պարտավոր եմ բոլոր տեղերում լինել: Եկել եմ ծառայություն ստուգելու: Ծառայողները շատ ճիշտ են կատարում: Ոստիկանները պատշաճ ապահովում են հասարակական կարգը: Իրավիճակը վերահսկվում է»:

Ակցիայի մասնակիցները բացականչում են իրենց պահանջը՝ օրենքի կասեցում:

«Մենք պահանջում ենք, որպեսզի մեր պահանջը հասնի նախագահական նստավայր ու լսենք արձագանքներ»,- հայտարարեց ակցիայի մասնակիցներից մեկը:

Նախքան նախագահական նստավայր հասնելը, նրանք հավաքվել էին կառավարության մոտ, սակայն այնտեղ չստանալով իրենց պահանջի լուծումը, շարժվեցին դեպի նախագահական:

Հիշեցնենք, որ տոնավաճառի աշխատակիցների դժգոհություններից հետո նոյեմբերին ԱԺ նիստում կառավարության ներկայացրած «Շրջանառության հարկի մասին» ՀՀ օրենքում փոփոխություններ և լրացումներ կատարելու մասին օրենքի կիրառության անցումային դրույթների գործողության ժամկետը հետաձգվեց մինչև փետրվարի 1-ը: Նոր օրենքով առաջարկվում է փոքր և միջին բիզնեսի ներկայացուցիչների համար շրջանառության հարկի դրույքաչափը 3,5 տոկոսից նվազեցնել 1 տոկոս, միաժամանակ, տնտեսվարողները պարտավորվելու են գործունեություն ծավալել հստակ փաստաթղթաշրջանառությամբ:
Բացի այդ, նոր օրենքով՝ փաստաթուղթը չներկայացնելու դեպքում անհատ ձեռներեցներն առաջին ագամ կտուգանվեն 20 հազար դրամով, այնուհետև` շրջանառության հարկի հինգ տոկոս չափով:
Տոնավաճառի աշխատակցիները պահանջում են, որպեսզի աշխատեն այնպես, ինչպես մինչ օրս, այսինքն՝ ոչ թե վճարեն եկամտի 1%-ը, այլ լինի հաստատագրված վճար։

Նախորդող հրապարակումներ՝
Ակցիայի մասնակիցները, նախքան նախագահական հասնելը, դիմեցին պատգամավորներին
Ակցիա՝ կառավարության մոտ. «Լինելու են մարդիկ, որ թողնելու, չլուդ գնալու են Հայաստանից»