Ձեր վստահելի աղբյուրը

Ադրբեջանի «Միասնական ժողովրդական ճակատ» կուսակցության առաջնորդ, պատգամավոր Գուդրաթ Հասանգուլիևը հայտարարել է, որ Ադրբեջանում թմրամոլության խնդիրը մեծ ծավալներ է ընդունել` երիտասարդ աղջիկների շրջանում էլ ավելի տարածվելու պատճառով: Այս մասին հայտնում է ադրբեջանական Modern.az կայքը:

Նրա խոսքերով` ներկայումա Ադրբեջանի բանտարկյալների 30 տոկոսը թմրանյութ է  օգտագործում:

«Թմրամոլը հանցագործ չէ, այլ հիվանդ է, իսկ քրեակատարողական հիմնարկներն էլ հիվանդանոց չեն: Բանտերը հիվանդներով լցնելն իմաստ չունի», -նկատել է նա:

Ըստ կայքի` Հասանգուլիևն ընդգծել է, որ Ադրբեջանի պատկան մարմիններն իրականում ձերբակալում են թմրամոլներին, սակայն ոչ երբեք այն կառույցների ղեկավարներին, որոնք համակարգում են թմրաբիզնեսը. վերջիններս պատասխանատվության չեն ենթարկվում:

Նրա կարծիքով` Ադրբեջանում վերջին շրջանում աճել է նաև գողության դեպքերի թիվը:

«Տարեց մարդկանց 3-5 մանաթի համար սպանողների թիվն էլ է ավելացել: Նմանատիպ գողությունները կատարում են հիմնականում թմրամոլները»,- եզրափակել է պատգամավորը:

Նյութեր թեմայի շուրջ`
Ադրբեջանի փոխվարչապետ. Թմրանյութերի անօրինական տեղափոխման 113 երթուղիներից 37-ն անցնում է Ադրբեջանով
Ադրբեջանում թմրամոլներ դառնում են դեռ դպրոցական հասակից
«Վիկիլիքս». Իրանից Ադրբեջան մեծ քանակով թմրանյութեր է ներմուծվում
Թմրանյութերի ներմուծումը Ադրբեջան մեծ ծավալների է հասնում
Աստրախանում թմրանյութերի մաքսանենգության համար Ադրբեջանի քաղաքացի է ձերբակալվել