Ձեր վստահելի աղբյուրը

Թուրք կրոնական գործիչ Ջուբբելի Ահմեթը, ով իսլամի «իսմայիլաղա» կոչված աղանդի առաջնորդներից է, ծաղրել է Ադրբեջանին` նշելով, որ այդ երկրում կարելի է կաշառքով անարգել բարձրագույն ուսումնական հաստատության դիպլոմ ձեռք բերել: Այս մասին հայտնում է ադրբեջանական Virtualaz.org պորտալը` հղում անելով թուրքական ԶԼՄ-ներին:

Ըստ պորտալի` թուրք կրոնավորը ժխտել է թուրքական «Աքիթ» թերթում աստվածաբան Էնվեր Բայթանի պնդումն այն մասին, թե իսլամի «ջաֆարի» աղանդը կապ չունի շիականության հետ` նշելով, որ այդ մարդն ընդհանրապես տեղյակ չէ կրոնից: Ջուբբելի Ահմեթը Բայթանին խորհուրդ է տվել «ջաֆարի» աղանդի մասին տեղեկություններ ստանալ անվանի կրոնական գործիչ Ջևաթ Աքշիթից:

«Ձեր միակ փաստարկն այն է, որ ասում եք, թե նա աստվածաբանի դիպլոմ չունի: Դա ցավ չէ: Ես կարող եմ այդ հարցում նաև դիպլոմ ունեցող գտնել: Այդուհանդերձ, նա Ձեր այն ծանոթներից չէ, ովքեր 2000 դոլարով պրոֆեսորի կոչում են ձեռք բերել Ադրբեջանում», -հեգնել է կրոնավորը:

Պորտալը հիշեցնում է, որ ավելի վաղ Ադրբեջանում գումարով և կաշառքով բարձրագույն կրթության դիպլոմ գնելու հնարավորության մասին շեշտել էր թուրք հայտնի դերասան Մուջդե Արը: Թուրքիայում կայանալիք նախագահական ընտրությունների շեմին Արը հայտարարել էր, որ ցանկանում է դնել իր թեկնածությունը, իսկ բարձրագույն կրթության կեղծ դիպլոմը «փողով ձեռք կբերի Ադրբեջանում»:

Նյութեր թեմայի շուրջ`
Ադրբեջանի դպրոցներում ծաղկում է կոռուպցիան
Ադրբեջանի կրթության նախարար. «Շրջանավարտների ամենաշատը 30 տոկոսն է ունակ բարձրագույն կրթություն ստանալ»
Ադրբեջանի կրթության համակարգը քանդման եզրին
Ադրբեջանի կրթության նախարարը ներգրավված է ատեստատների բիզնեսի մեջ
Ադրբեջանի կրթության նախարարի հրահանգով դպրոցներում մեծ դրամահավաքներ են իրականացվում