Ձեր վստահելի աղբյուրը

Գյումրիում տեղի ունեցած սպանության գործի վարույթը հայկական կողմին փոխանցելը ենթադրում է նաև մեղադրյալի փոխանցում` վարույթը տրամաբանական ավարտին հասցնելու համար: Լրագրողների հետ հանդիպման ժամանակ ասաց Գյումրիում ոճրագործության զոհ դարձած Ավետիսյանների ընտանիքի իրավահաջորդների ներկայացուցիչ, Փաստաբանների պալատի անդամ Երեմ Սարգսյանը` խոսելով ՀՀ գլխավոր դատախազ Գևորգ Կոստանյանի կողմից փետրվարի 3-ին ՌԴ գլխավոր դատախազ Յու. Չայկային ներկայացված միջնորդության մասին` Գյումրի քաղաքում ՀՀ յոթ քաղաքացիների սպանության դեպքի առթիվ հարուցված քրեական գործի վարույթը ՀՀ իրավապահ մարմիններին փոխանցելու վերաբերյալ:

«Վարույթը տրամաբանական ավարտին հասցնելու համար անհրաժեշտ է լինելու որոշակի փուլում մեղադրյալի առկայությունը: Հենց դա է խնդիրը, որ պահանջում ենք առավել արդյունավետ քայլեր մեղադրյալի փոխանցման առումով»,- ասաց փաստաբանը:

Նա նաև տեղեկացրեց, որ միջնորդություն է ներկայացրել քրեական գործ հարուցել  մեղադրյալի կողմից ՀՀ պետական սահմանն ապօրինի հատելու փորձ կատարելու դեպքով: Երկու օր առաջ փաստաբանին պատասխանել են, որ հետաձգվում է միջնորդության քննարկումն այն պատճառաբանությամբ, որ սպանության գործով անհրաժեշտ բոլոր քննչական, դատավարական գործողությունները կատարվում են, եթե քրեական գործ հարուցելու հիմքեր լինեն, ապա համապատասխան որոշում կկայացնեն:

«Այս բոլոր քայլերով մենք ուզում ենք ավելի ամուր հիմքերով, երաշխիքներով ռուսական կողմից պահանջենք Պերմյակովին»,- ասաց Ե. Սարգսյանը:

Ասուլիսին ներկա Ավետիսյանների դուստրը` Լուսինե Ավետիսյանն ասաց, որ իր և մյուս իրավահաջորդների պահանջն է` Պերմյակովին հանձնել հայկական կողմին:

«Մենք չենք կարողանում հասկանալ, ինչու է նաև հենց մեր տուն մտել: Նա մեկ ամսվա ծառայող է եղել: Իմ ընտանիքի անդամներից որևէ մեկի հետ կապ չէր կարող ունենալ: Դա հաստատ: Եթե մեր տանը որևէ բան էր տեղի ունենում, ես անպայման իմանում էի: Իմ վարկածով, մտածելակերպով հատուկ է ընտրվել մեր տունը. բազմանդամ է եղել և երեք սերունդ է բնակվել այդ տան մեջ:
Նույն հաջողությամբ նա կարող էր ջուր խմելու համար մեկ այլ տուն մտներ: Մեր տան դարպասն է բաց եղել, իսկ տան դուռը` ոչ: Նա կոտրել է ապակին, որ կարողանա բացել: Իմ հարազատները որևէ մեկի հետ թշնականա հարաբերություններ չեն ունեցել: Այդ ընտանիքն իր համար աշխատել է, ապրել, ոչ մեկի ոտքը չէր տրորել»,- ասաց Լուսինե Ավետիսյանը:

Նա նշեց, որ տնից որևէ ոսկե իր հանցագործն իր հետ չէր վերցրել, թեև երևացող տեղ է դրված եղել, միայն վերցրել է երեք հեռախոս:

Փաստաբան Երեմ Սարգսյանն էլ ասաց, որ իրենց համար ջուր խմելու վարկածը բացառապես ընդունելի չէ, հավատ չի ներշնչում: Ըստ նրա, զորամասից մինչև Ավետիսյանների տուն բավական երկար ճանապարհ է` նեղ ու ոլոր փողոցներ` բազմաթիվ բնակելի տներով:

Նախորդող հրապարակումներ`

Ավետիսյանների հարազատները չեն դիմել ռուսական կողմին` իրավահաջորդ ներգրավելու պահանջով. փաստաբան
Ավետիսյանների հարազատնները փաստաբանների նոր խումբ են ուզում
Ավետիսյանների հարազատները պատասխան չստանալու դեպքում ուրբաթ օրը ցույց կանեն
Գյումրիի ողբերգությունից 40 օր անց. «Ռուսական կողմը պատրաստ չէ հանձնել Պերմյակովին»
Երեմ Սարգսյանը կծանոթանա դաժան սպանության վայրին, կտեսնի դեպի ռուսական զորամաս երթուղին
Բոլոր հարցերին չեմ պատասխանել, քանի որ գոյություն ունի նախաքննության գաղտնիություն». Գևորգ Կոստանյան
«Իրավունք ունե՞ն ռուսական ռազմաբազայի զինծառայողները զինված օպերատիվ գործողություններ իրականացնել ՀՀ տարածքում». Նիկոլ Փաշինյան
«Արտաքին գործերի նախարարը չկա, ԱԱԾ-ն չի արձագանքում». Ալեքսանդր Արզումանյան
«Սահմանը հատելու մասով քրեական գործ չի հարուցվել». Զարուհի Փոստանջյան
«Նիստ անում եք՝ ասելու համար, որ նիստ եք անում». Նաիրա Զոհրաբյան
Որևէ սահմանախախտ նախևառաջ պետք է ՀՀ Ազգային անվտանգության ծառայությանը հանձնվեր. Խոսրով Հարությունյան
«Տղամարդավարի ասում եմ՝ դիմելու եմ ՌԴ գլխավոր դատախազին». Գևորգ Կոստանյան
 «Ես էլ երեխեք ունեմ, հասկանում եմ դա ինչ է նշանում». Գլխավոր դատախազը՝ գյումրեցիներին
Գևորգ Կոստանյանը՝ գյումրեցիներին. Հանգիստ եղեք, համբերեք
Գյումրեցիները պահանջում են՝ «դուրս արի»
Գյումրեցիներ կրկին հավաքվել են. ՀՀ Գլխավոր դատախազը զրուցեց նրանց հետ