Ձեր վստահելի աղբյուրը

ՀՀ Ազգային ժողովում ընթացող «Եվրանեսթ» խորհրդարանական վեհաժողովի չորրորդ լիագումար նիստի ժամանակ Հայաստանում ԵՄ պատվիրակության ղեկավար Տրայան Հրիեսթեան այսօր փոխանցեց փոխնախագահ Ֆրեդերիկո Միկեի ուղերձը:

Նա նշեց, որ վեց տարի առաջ Պրահայում ուրվագծեցին տեսլականը ԵՄ և ԱԼԳ երկրների շուրջ:

«Այդ օրվանից լավ առաջընթաց ենք արձանագրել մեր հարաբերություններում, ավելի լավ ենք յուրացրել մեր շահերը, մեր երեք գործըկերների հետ ստորագրեցինք ասոցացման համաձայնագրեր և դրանք ուժի մեջ են: Մեզ հետաքրքրում է այլ գործընկերների հետ հարաբերություններ զարգացնելը»,-ասաց նա:

Տ.Հրիսթեան նշեց, որ վիզաների դյուրացման ռեժիմում համագործակցության պայմանագրեր են կնքվել հինգ երկրների հետ, առանց մուտքի արտոնագրերի ռեժիմը գործում է միայն մեկ երկրի հետ:

«Կուզենայիք ավելի սերտ ու ուժեղ հարաբերություններ գործարկել մեր բոլոր գործընկերների հետ»,-նկատեց նա:
 
Եվրանեսթ ԽՎ համանախագահ Հեյդի Հաուտալան ցավ հայտնեց, որ ադրբեջանցի գործընկերները չեն մասնակցում այս նիստին: «Սա իրենց նիստն է, իրենցն է ևս»,-ասաց նա:

Նա կարևորեց քաղաքացիական հասարակության դերըև հավելելեց. «Ադրբեջանցի քաղբանտարկյալները պիտի ազատ արձակվեն, անընդունելի է, որ այս մարդիկ իրենց հայացքների համար պատժի ենթարկվեն»:

Նախորդիվ`
ՀՀ Նախագահ. Խնդրի լուծման բանալին գտնվում է Ստեփանակերտում, Երևանում ու Բաքվում
Սերժ Սարգսյան. Մենք ունենք կայացած քաղաքացիական հասարակություն, որը գիտի՝ ինչպես կարող է պայքարել
«Եվրանեսթը էական կշիռ է հաղորդում մեր միջազգային կապերին և խորհրդարանական դիվանագիտությանը»