Ձեր վստահելի աղբյուրը

«Հայաստանում Ֆրանսիայի դեսպանությունը, այս տարի առանձնահատուկ կերպով է պատրաստվել Ֆրանկոֆոնիայի օրերին, կազմակերպելով ավելի քան 30 մշակութային իրադարձություն, այդ թվում « Սինե Ֆրանս» ծրագրի շրջանակներում 10 կինեմատոգրաֆիական միջոցառում, 10 համերգ՝ «Հայկական երաժշտություն» պիտակի ներքո, գրական հանդիպումներ, գրական դասընթաց ֆրանսիացի գրողի ղեկավարությամբ և լեռներին նվիրված շաբաթ՝ Շվեյցարիայի դեսպանության հետ գործընկերությամբ»,-ասված է ՀՀ-ում Ֆրանսիայի դեսպանության տարածած հաղորդագրության մեջ:

«Ֆրանսիայից ժամանած 12 երաժիշտ ներկա կլինեն այս տարվա «Ֆրանսիայի դեսպանության Ֆրանկոֆոնիայի օրերին»: Ընդհանուր առմամբ մոտ քսան ֆրանսիացի հյուր կմասնակցի տարբեր միջոցառումների: Բացման համերգի համար, ֆրանսիական երիտասարդական երաժշտությունը լավագույնս ներկայացնելու նպատակով, Ֆրանսիայի դեսպանությունը ընտրել է « Medz Bazar » խումբը՝ բաղկացած 7 ֆրանսիացի երգիչներից և երաժիշտներից, որոնք ծագումով տարբեր երկրներից են, տարբեր պատմության և լեզվի կրողներ են: Երաժշտական այս խումբը ժամանակակից Ֆրանսիայի կերպարն է, որտեղ միասին ապրել նշանակում է կիսել մարդասիրության, հարգանքի և խոսքի ազատության արժեքները:

« Medz Bazar »-ի մարտի 20-ից 23-ի երեք համերգները մեծ հաջողություն ունեցան՝ հավաքելով մոտ 1200 հանդիսատես Երևանում, Դիլիջանում և Գյումրիում: Մարտի 23-ից 30-ը կայանալիք Լեռներին նվիրված շաբաթը նպատակ ունի արժևորել լեռնային տարածքը, որպես տնտեսական և մարդկային կայուն և ներդաշնակ զարգացման հիմնարար ռեսուրս : Բազմաթիվ ֆրանսիացի, շվեյցարացի և հայ դերակատարներ կգան կիսելու իրենց մասնագիտական վարպետությունը և խանդավառությունը: Լեռնային շաբաթվա ընթացքում խոսվելու է լեռների մասին տարբեր տեսանկյուններից՝ կինեմատոգրաֆիա, տնտեսական, գրական և սպորտային :

Լեռնային շաբաթվա կարևոր իրադարձություններից մեկը մարտի 24-ին կայանալիք տնտեսական միջոցառումն է « Լեռնային տարածքի արժևորումը տուրիստական ինժեներիայի միջոցով » թեմայով: Տուրիստական արդյունաբերության բազմաթիվ ներկայացուցիչներ Ֆրանսիայից, Շվեյցարիայից և Հայաստանից կմասնակցեն Ծաղկաձորում կայանալից այս միջոցառմանը»,-նշված է հայտարարությունում: