Կ. Նահապետյան. Մերձավոր Արևելքի դեպքերը կարող են վերածվել ցեղասպանության

Քաղաքական 17:53 01/04/2015

Կ. Նահապետյան. Մերձավոր Արևելքի դեպքերը կարող են վերածվել ցեղասպանության

Գաղտնիք չէ, որ բազմաթիվ արտասահմանցի վարձկաններ, ովքեր պատերազմում են Սիրիայում և Իրաքում, եկել են բարեկամ երկրներից: Սակայն կարևոր է, որ քայլեր ձեռնարկվեն հայտնաբերելու համար ահաբեկչական կազմակերպություների երկամուտների աղբյուրները և համապատասխան միջոցներ կիրառվեն: Այս մասին հայտարարել է ԱԺ պատգամավոր Կորյուն Նահապետյանը` ՆԱՏՕ-ի «Ռոս-Ռոութ» սեմինարի շրջանակներում:

Պատգամավորի խոսքով՝ ահաբեկչական կազմակերպությունները չեն կարող այդօրինակ հեշտությամբ գործել՝ չունենալով եկամուտների կայուն աղբյուրներ:

«Չդադարող վայրագությունները ահազանգ են մեզ բոլորիս առ այն, որ դրանք մեկ օր կարող են վերածվել ցեղասպանության: Կարևոր է ոչ միայն ֆիզիակական պայքարը նրանց դեմ, այլև գաղափարապես դատապարտել դեպքերը, որոնք վաղը կարող են վերածվել ցեղասպանության: Որպես 100 տարի առաջ ցեղասպանությունը վերապրած ազգ, որը մինչև այժմ շարունակում է իր վրա կրել այդ ողբերգական իրադարձության հետևանքները, մենք միշտ հստել դիրքորոշում ենք հայտնել այդ կապակցությամբ»,- ընդգծել է Կ. Նահապետյանը:

Պատգամավորը շեշտել է, որ Սիրիայի մայրաքաղաքում տեղի ունեցած իրադարձությունները, հարևան երկրներից ահաբեկիչների և ծայրահեղականների հարձակումները Քեսաբի և Սիրիայի այլ տարածաշրջանների հայերի վրա, իսկ այնուհետև Իրաքի դեպքերը նրանց ստիպեցին մի քանի սերունդ հետո կրկին փախստական զգալ:

«Այս առիթով ցանկանում եմ նշել, որ այս տարի մենք նշում ենք Հայոց ցեղասպանության հարյուրամյակը՝ կոչ անելով մյուս ազգերին միանալ մեզ, որպեսզի կանխարգելենք եկող սերունդների համար նման ճակատագիրը»,- եզրափակել է պատգամավորը:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: