Ձեր վստահելի աղբյուրը

Բրիտանացի լրագրող Ռոբերտ Ֆիսկը The Independent թերթում «Մերձավոր Արևելքում քրիստոնյաների ողբերգությունը չի սկսել ԻԼԻՊ-ից» վերնագրով հոդված է տպագրել, որում զուգահեռներ է անցկացնում Օսմանյան Թուրքիայի և Իսլամական պետության դաժանությունների միջև:

Հոդվածը ներկայացնում ենք որոշ կրճատումներով. «1990 թվականի ամռանը քայլում էի Բեյրութից հյուսիս գտնվող Կեսերվան շրջանի խաչակիրների մատուռի մոտով, որտեղ տարեց մարոնի քահանան ցույց տվեց բյուզանդական խճանկար, հավանաբար Սուրբ Հովհաննեսի: Այն, ինչ նա ցանկանում էր ինձ ցույց տալ, սուրբ մարդու աչքերն էին: Դրանք վնասել էին կամ թրով կամ էլ նշտարով: Քահանայի խոսքով, դա մուսուլմաններ են արել:

Նրա խոսքերը հստակություն մտցրեցին, քանի որ Լիբանանի այդ ժամանակվա բանակի գերենալ Միշել Աունը, անհույս պատերազմում կռվում էր սիրիական բանակի դեմ: Ամեն օր ես այցելում էի սիրիական հրետանիից զոհված քրիստոնյաների տները: Սիրիացիները, ըստ քահանայի նկարագրության, նույն «մուսուլմաններն էին», ովքեր թրով հանել էին հին նկարի աչքերը:

Հիշում եմ` այդ ժամանակ, նույնիսկ մինչև այսօր, ինքս ինձ ասում էի, որ դա չտեսնված բան է, որ չես կարող հնագույն պատմությունը պատվաստել ներկայի հետ: Քրիստոնյա-մուսուլման թշնամությունը այս մակարդակում հեքիաթ է երեխաներին վախեցնելու համար:
Սեպտեմբերի 11-ից հետո, երբ Հոլիվուդը մուսուլմաններին ներկայացնում էր որպես բարբարոս մարդասպանների, ովքեր ցանկանում են ոչնչացնել Ամերիկան, թվում է, թե մեր վախերն իրականություն են դառնում:

Ուշադրություն դարձրեք, որ ես չեմ նշել քրիստոնյա կանանց ստրկացումը Իրաքում, Իսլամական Պետության կողմից քրիստոնյաների և եզդիների կոտորածը, Մոսուլի հնագույն եկեղեցիների հրկիզումները կամ Դեր Զորի հայկական եկեղեցու ավերումը, որը նվիրված էր 1915 թվականին ցեղասպանված հայ ժողովրդին հիշատակին: Ոչ էլ նիգերացի աշակերտուհիների առևանգումները ու Քենիայում տեղի ունեցած վերջին կոտորածները, երբ սպանվեցին քրիստոնյաներ: Մարդասպանների դաժանությունը Հոլիվուդյան համամասնություններով էպոս է:

Մերձավոր Արևելքում քրիստոնյաների ողբերգությունը այսօր կրկին մտածելու առիթ է տալիս, քանի որ այս տարի հայ ժողովուրդը նշում է Օսմանյան Թուրքիայի կողմից իրականացված ցեղասպանության 100-րդ տարելիցը: Միգուցե ժամանակն է, որ ընդունեք ոչ միայն Ցեղասպանության այս ակտը, այլև այն փաստը, որ Օսմանյան կայսրության կողմից իրականացրածը փոքրամասնության նկատմամբ, հատկապես քրիստոնյա, կոտորած էր: Նրանք սպանվել են, որովհետև հայ էին, և որովհետև քրիստոնյա էին: Այս փաստերը այսօր որոշ զուգահեռներ ունեն Իսլամական պետության գործողությունների հետ: Կոտորում էին հայ տղամարդկանց: Կանանց բռնաբարում էին, ստիպում դավանափոխ կամ սովամահ լինել: Երեխաներին կենդանի այրում էին:

Իսլամական պետության դաժանությունները նոր չեն: Իսլամական պետության հանցագործությունները նույնքան դաժան են, ինչքան Երկրորդ համաշխարհային պատերազմի տարիների Գերմանիայի բանակի արածները: Իսլամական պետության և 1915 թվականի Օսմանյան Թուրքիայի գործողությունների նմանությունները հիմնված են գաղափարախոսական դաժանությունների վրա, նույնիսկ Աստվածաբանության»,-գրել է Ֆիսկը:


Լուսանկարը վերցված է The Independent-ից: