«Genealogy» խմբի ներկայացուցիչների մասնակցությամբ նկարահանվել է եվրատեսիլյան տեսաբացիկը
«Եվրատեսիլ- 2015» երգի միջազգային մրցույթի հայաստանյան ներկայացուցիչ «Genealogy» խմբի ներկայացուցիչների մասնակցությամբ նկարահանվել է եվրատեսիլյան տեսաբացիկը: «Կառուցելով կամուրջներ» ընդհանուր գաղափարը կրող տեսաբացիկը ներկայացվելու է մեր մասնակիցների մրցութային ելույթից անմիջապես առաջ: Այս մասին տեղեկանում ենք Առաջին ալիքի հասարակայնության հետ կապերի բաժնից:
Տեսաբացիկում մեր մասնակիցները Վիեննայից՝ Եվրատեսիլի կազմակերպիչների կողմից, անակնկալ փաթեթ են ստանում՝ հրավեր դեպի Ավստրիա: «Genealogy» խմբի անդամները բացում են այն, նայում, թե ինչ կա փաթեթի ներսում: Իսկ թե ինչ են գտնում մեր մասնակիցները փաթեթում, կերևա հաջորդ տեսարանում, որը նկարահանվելու է Վիեննայում: Դա դեռևս գաղտնի է պահվում կազմակերպիչների կողմից:
Հայաստանի հանրային հեռուստաընկերության առաջարկով նկարահանումները տեղի են ունեցել Հայաստանի գեղատեսիլ վայրերից մեկում՝ Դիլիջանում: Նկարահանման գործընթացն իրականացրել է Ավստրիայից ժամանած խումբը:
«Genealogy» խմբի անդամները մեծ հաճույք են ստացել նկարահանումներից, շրջել Դիլիջանով, վայելել ողջ ընթացքը: Նկարահանումների ընթացքի մասին մանրամասնում են «Genealogy» խմբի ներկայացուցիչները:
Թամար Կապրելյան. «Ընթացքն ուղղակի հիասքանչ էր, այնքան լավ ժամանակ անցկացրինք: Սյուժեն այսպիսին էր` Եսային բարձրացնում էր փաթեթը, արձակում ժապավենը, և այդ ընթացքում բոլորս միանում էինք նրան, զարմանքի, նշաններ ցույց տալիս և ուրախ բացականչում»։
Եսայի Ալթունյան- «Երևի մոտ քսան անգամ նկարահանեցինք տեսարաններից մեկը: Ամեն անգամ նկարահանման ընթացքում փաթեթը բացելիս մի հետաքրքիր բան էինք գտնում ներսում` երբեմն գումար, պլաստիկ քարտեր, դանակ, կամ էլ հեռախոս` վիդեոռեժիմի վրա դրված, որ մեր էմոցիաները նկարահանի»:
Մերի-Ջին Օ’Դոհերթի Վասմաթզյան- «Եվրատեսիլյան բացիկի նկարահանումներն անցան շատ ուրախ և առանց ավելորդ լարվածության։ Ամեն անգամ տեսարաններից մեկը կրկին նկարահանելիս անակնկալ էինք ունենում, ինչն էլ շատ զվարճալի էր»:
Վահե Թիլբյան. «Եվրատեսիլյան բացիկը շատ գեղատեսիլ վայրում ենք նկարահանել։ Ըստ էության, այս վայրն էլ հենց բացիկի տեսք ունի։ Շատ լավ անցավ, վայելեցի ողջ ընթացքը»:
«Եվրատեսիլ- 2015» երգի միջազգային մրցույթը կանցկացվի Ավստրիայի մայրաքաղաք Վիեննայում՝ «Կառուցելով կամուրջներ» նշանաբանի ներքո: Հայաստանը կներկայացնի «Genealogy» խումբը՝ «Face The Shadow» (թարգմանաբար` Առերեսվի՛ր ստվերին) խորագրի ներքո: Մրցույթի առաջին կիսաեզրափակիչ փուլը կկայանա մայիսի 19-ին, որտեղ Հայաստանը կներկայանա երկրորդ համարի ներքո, իսկ եզրափակիչ փուլը` մայիսի 23-ին:
Հետևեք «Genealogy» խմբի գործունեությանը և ծանոթացեք նորություններին հետևյալ սոց. ցանցերում.
Facebook: https://www.facebook.com/GenealogyOfficial
Twitter: https://twitter.com/GenealogyMusic
Նախորդող հրապարակումներ՝
Ինքնատիպ ֆոտոպատմություն՝ «Genealogy» խմբի անդամների մասնակցությամբ (լուսանկարներ)
«Եվրատեսիլ-2015». Հայկական երգը կներկայանա նոր խորագրի ներքո
Գոհար Գասպարյանի հորդորը. Չշահարկել «Genealogy» խմբի անդամներին քաղաքական թեմաներում
«Genealogy» խմբի «Don’t deny» երգը՝ անգլերեն և հայերեն
«Եվրատեսիլ-2015». «Genealogy» խմբի Հայաստանի մասնակիցը հայտնի է (տեսանյութ)
Եվրատեսիլյան բացահայտումներ՝ հայաստանյան պատվիրակության ղեկավարի կողմից
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
