Ձեր վստահելի աղբյուրը

Մոսկվայի Բասմանյան դատարանը երկարաձգել է «Բաշնեֆտ»-ի գործով կալանավորված Լևոն Հայրապետյանի տնային կալանքի ժամկետը: Այս մասին գրում է Ռիա նովոստին: 

Դատավորը հայտարարել է, որ դատարանը բավարարել է հետաքննության միջնորդությունը և երկարաձգում է տնային կալանքի ժամկետը: 

Հիշեցնենք, որ հետաքննությունը խնդրել էր Հայրապետյանի տնային կալանքը երկարաձգել մինչև հուլիսի 15-ը:

Նիստի ընթացքում պաշտպանական կողն ասել է, որ վերջին չորս ամսվա ընթացքում Հայրապետյանի հետ քննչական որևէ գործողություն չի անցկացվել, հետևաբար նրան տնային կալանքի տակ պահելու կարիք չկա:  Պաշտպանի խոսքով, տուժածներն արդեն հարցաքննվել են, առերեսումներն անցկացվել են, այսինքն՝ Հայրապետյանը նրանց վրա չի կարող ճնշում գործադրել:

Փաստաբանը նաև հայտնել է, որ Լ. Հայրապետյանի գործն անջատված է «Բաշնեֆտ»-ի ընդհանուր գործից, այժմ գտնվում է առանձին վարույթում, գործարարն մեղադրվում է միայն դատապարտված նախկին սենատոր Իգոր Իզմեստևից միջոցների հափշտակման հետ կապված էպիզոդով: Սրա հետ կապված, պաշտպանական կողմը խնդրել էր Լ. Հայրապետյանին ազատ արձակել տնային կալանքից, օրինակ, 1 միլիոն ռուբլի գրավի դիմաց:

Հայազգի գործարար Լևոն Հայրապետյանին 2014 թ. հուլիսի 24-ին ՌԴ քննչական կոմիտեն մեղադրանք էր առաջադրել ՌԴ Քրեական օրենսգրքի 160 (յուրացում և վատնում) ու 174 (փողերի լվացում) հոդվածների հատկանիշներով: Մոսկվայի Բասմանյան դատարանը ավելի վաղ բավարարել էր Լևոն Հայրապետյանի նկատմամբ որպես խափանման միջոց կալանքն ընտրելու մասին նախաքննական մարմնի միջնորդությունը: Դատարանը կալանքի մասին որոշումը հիմնավորել էր նրանով, որ ազատության մեջ Հայրապետյանը կարող է օգտագործել իր կապերը ու թաքնվել նախաքննությունից: Բացի այդ, նշված քրեական գործի շրջանակներում դատարանը կալանքի տակ է դրել «Բանեֆթի» ակցիաների վրա, որոնց արժեքը անցնում է 300 մլն ռուբլին: Հայրապետյանը չի ընդունում իր նկատմամբ առաջադրված մեղադրանքը և հերքում է դրանք: Հոկտեմբերի սկզբին Մոսկվայի Բասմանյան դատարանը որոշում էր կայացրել ընդունել «Բաշնեֆթի» գործով կալանավորված Լևոն Հայրապետյանի խափանման միջոցը փոխելու մասին միջնորդությունը, որը ներկայացվել էր նախաքննական մարմնի կողմից և նրա նկատմամբ նշանակել տնային կալանք: 2014 թ. դեկտեմբերի 10-ին Մոսկվայի Բասմանյան դատարանը որոշում էր ընդունել երկարաձգել գործարար Լևոն Հայրապետյանի տնային կալանքի ժամկետը մինչև 2015 թ. ապրիլի 15-ը:

Նախորդող հրապարակումներ՝
Լևոն Հայրապետյանի փաստաբանը բողոքարկել է տնային կալանքը երկարաձգելու դատարանի որոշումը
Լևոն Հայրապետյանի խափանման միջոցը փոխարինվեց տնային կալանքով
Լևոն Հայրապետյանի գործով ՀՀ ՄԻՊ գրասենյակը սպասում է ՌԴ ՄԻՊ-ի դիրքորոշմանը
Գործարար Լևոն Հայրապետյանը կրկին տեղափոխել են մեկուսարան
Լևոն Հայրապետյանին տեղափոխել են քաղաքացիական հիվանդանոց
Լևոն Հայրապետյանը շարունակում է մնալ կալանավորված Դատական նիստի ժամանակ Լևոն Հայրապետյանի ինքնազգացողությունը վատացել է
Վլադիմիր Պուտինը Սերժ Սարգսյանին խոստացել է ուսումնասիրել Լևոն Հայրապետյանի հարցը
«Ի պաշտպանություն Լևոն Հայրապետյանի» երթի մասնակիցները նամակներ հանձնեցին պետական մարմիններին (տեսանյութ)
«Ժառանգություն». Լ. Հայրապետյանի նկատմամբ առաջադրված մեղադրանքն ունի քաղաքական ենթատեքստ
Լևոն Հայրապետյանը կալանավայրում կորցրել է գիտակցությունը
Պաշտպանական կողմը բողոքարկել է Հայրապետյանին կալանավորելու մասին դատարանի որոշումը
Լևոն Հայրապետյանի հետ կատարվածի մեջ քաղաքական ենթատեքստ չկա. Փաստաբան
Հայրապետյանի փաստաբանները կբողոքարկեն դատարանի որոշումը (Տեսանյութ)
Պաշտոնական Ստեփանակերտը անտարբեր չէ Լևոն Հայրապետյանի հետ կատարվածին