Ձեր վստահելի աղբյուրը

Հռոմի Ֆրանցիսկոս պապի` Հայոց ցեղասպանության մասին արված հայտարարությունից հետո Թուրքիայում ազգայնականների և ծայրահեղականների մոտ մոլեգնում են ագրեսիվ տրամադրությունները: Դրան են նպաստում նաև բարձրաստիճան պաշտոնյաների հայտարարությունները, որոնք մեկը մյուսի հետևից պատասխանում են Հռոմի պապին: Այս մասին գրում է գերմանական Die Welt պարբերականը և նշում, որ ծայրահեղականները հասել են այն բանին, որ նույնիսկ մահվան սպառնալիքներով հրապարակումներ են կատարում Twitter-ում` ուղղված Ֆրանցիսկոս պապին:

Հրապարակման համաձայն` Twitter-ում թուրքական դրոշով ներկայացած մի օգտատեր իր կարճ հաղորդագրության մեջ Պապին հիշեցրել է 1981թ. թուրք Մեհմեդ Ալի Աղջանի կողմից Հովհաննես Պողոս 2-րդ Պապի դեմ կատարած մահափորձի մասին՝ Ֆրանցիսկոս Պապին սպառնալով հետեւյալ բառերով. «Թուրքիայում նման աղջաններ շատ կան։ Մեկ փամփուշտն արժի 35 ղուրուշ» (թուրքական մանրադրամ),- գրել է օգտատերը ու զետեղել Հովհաննես Պողոս Պապի վրա մահափորձ կատարած Աղջայի լուսանկարը։

Հրապարակման հեղինակ Բորիս Կոլնովկին համոզմունք է հայտնում, որ այս ամենի հիմքում նաեւ Թուրքիայում ընթացող նախընտրական քարոզարշավն է։ «Նախագահ Էրդողանը խորհրդարանական ընտրություններում իշխող «Արդարություն եւ զարգացում» կուսակցության հաղթանակն է ակնկալում։ Ուստի Պապի հասցեին արած հայտարարություններն ու թուրք պաշտոնյաների կեցվածքը այդ քարոզարշավի մի մասն են կազմում։

«Թուրքական ղեկավարությունն օգտագործում է Ֆրանցիսկոս պապի դեմ ատելության և բռնության հռետորիկան, որպեսզի իր համար քաղաքական առավելություն ձեռք բերի: Այստեղ հարկավոր է պապի դեմ ուղղված սպառնալիքները լուրջ ընդունել», - գրում է պարբերականը և որպես օրինակ նշում է Քրդական բանվորական կուսակցության զինյալների և թուրքական բանակի միջև անընդհատ տեղի ունեցաղ բախումները: Ըստ հեղինակի այդ բախումները, որոնց հետևանքով մշտապես զոհեր են լինում, քաղաքական իշխանությունների կողմից օգտագործվում են որպես քաղաքական կապիտալ: «Արյուն` քաղաքական շահի համար», -եզրափակում է հոդվածագիրը:

Նախորդող`
Թուրքիայի խորհրդարանի խոսնակը Հռոմի պապի հայտարարությունն անթույլատրելի է համարում
La Repubblica. Ֆրանցիսկոսի թանկարժեք ազնվությունը, ով ցեղասպանությունն իր անունով է կոչում
Էրդողան. «Ես վշտացած եմ Հռոմի պապի խոսքերից»
Թուրքիայի կողմից գործածված խիստ տոնայնությունը չի կարող արդարացված լինել. Պաոլո Ջենտիլոնի
Հռոմի պապը պատասխանել է Թուրքիայից հնչող դժգոհություններին
Իտալիայի ԱԳՆ. Թուրքիան չափից դուրս կոշտ արձագանքեց հայերի բնաջնջման վերաբերյալ Հռոմի պապի խոսքերին
Սերժ Սարգսյան. Միայն Ֆրանցիսկոս պապի նման առաջնորդները կարող են աշխարհը զերծ պահել ցեղասպանություններից
Հռոմի պապ Ֆրանցիսկոս. Ցեղասպանությունը լռության մատնելը հանցակցություն է
Թուրքիան Վատիկանից հետ է կանչել իր դեսպանին. Հռոմի պապի հնչեցրած Ցեղասպանությունը
Թուրքիան Հայոց ցեղասպանության մասին Հռոմի պապի հայտարարությունից հետո կանչել է Վատիկանի դեսպանին
«Ֆրանս Պրես». Հռոմի Ֆրանցիսկոս Պապը օգտագործել է Ցեղասպանություն բառը