Ձեր վստահելի աղբյուրը

«Պատմությունը պետք է հիշել, որպեսզի նրա սարսափներն այլևս երբեք չկրկնվեն»,- այս մասին գրում է «focus.lv» լատվիական գործակալությունը` մեջբերելով Եվրոպայի խորհրդարանում Հայոց ցեղասպանության վերաբերյալ ընդունված բանաձևի համահեղինակ, Եվրախորհրդարանի լատվիացի պատգամավոր Անդրեյ Մամիկինի խոսքերը:

Մամիկինը նշում է, որ ինքը Եվրախորհրդարանի սոցիալիստների խմբակցության իր կոլեգաների հետ միասին հանդիսանում է Հայոց ցեղասպանության վերաբերյալ բանաձևի համահեղինակներից մեկը: Ստորև ներկայացնում ենք հոդվածում հրապարակված Մամիկինի խոսքը:

«Բազմաթիվ քննարկումներ են եղել այս առթիվ, այդ թվում` սոցիալիստների խմբակցության ներսում: Եվրախորհրդարանի պատգամավորների մի մասը կարծում է, որ ոչ մի ցեղասպանություն էլ չի եղել: Հասկանալի է, որ նրանք խոսում են ժամանակակից Թուրքիայի հետ լավ հարաբերությունների անհրաժեշտության մասին և նաև այն մասին, որ թուրքերի ժամանակակից սերունդներն անձամբ ոչ մի պատասխանատվություն չեն կրում մի հանցագործության համար, որը տեղի է ունեցել 100 տարի առաջ: Ես համամիտ եմ: Բայց դրանից հանցագործության ծանրությունը չի նվազում: Հատկապես, երբ 1,5 միլիոն մարդ ոչնչացվել է միայն հայ լինելու պատճառով:

Հայոց ցեղասպանությունը 20-րդ դարի առաջին զանգվածային ու հրեշավոր հանցագործությունն է, որը, ինչպես ցույց տվեց պատմությունը, վերջինը չէր: Երբ ես հիշում եմ այդ թվի մասին`1,5 միլիոն, ապա սկսում եմ մտածել, որ դա ավելին է, քան Էստոնիայի ժամանակակից բնակչությունը, և հենց այնքան է, որքան Լատվիայի ներկայիս բնակչությունը: Մեծն Կոմիտասը խելագարվեց, թեև նրան վիճակված էր ևս 20 տարի ապրել Ցեղասպանությունից հետո:

Դրա համար անհրաժեշտ է հիշել ու երբեք չմոռանալ կատարվածը: Այսօր, երբ ես լսում եմ հետևյալ արտահայտությունները` «Իսկ դու ռո՛ւս ես», «իսկ դու լատվիացի՛ ես», «իսկ նա ուկրաինացի՛ է», «իսկ նա սևամո՛րթ է, ի՞նչ եք նրանից սպասում», ակամայից սկսում եմ մտածել, որ 100 տարի առաջ Օսմանյան կայսրությունում ամեն ինչ հենց այդտեղից էլ սկսվել է: Մարդկանց ոչնչացրել են միայն այն պատճառով, որ նրանք հայեր են եղել»:

Նախորդող`
Եվրախորհրդարանականները բանաձևում հիշատակել են Պապի հայտարարությունը. Բանաձևի ամբողջ տեքստը
Թուրքիայի ԱԳՆ-ն սպառնում է Եվրոպային
Էդվարդ Նալբանդյանի հայտարարությունը. Եվրախորհրդարանի ընդունած բանաձևը կարևոր ուղերձ է ‪Թուրքիային
Die Welt. Թուրքերը սպառնում են Հռոմի պապին սպանել
Թուրքիայի խորհրդարանի խոսնակը Հռոմի պապի հայտարարությունն անթույլատրելի է համարում
La Repubblica. Ֆրանցիսկոսի թանկարժեք ազնվությունը, ով ցեղասպանությունն իր անունով է կոչում
Էրդողան. «Ես վշտացած եմ Հռոմի պապի խոսքերից»
Թուրքիայի կողմից գործածված խիստ տոնայնությունը չի կարող արդարացված լինել. Պաոլո Ջենտիլոնի
Հռոմի պապը պատասխանել է Թուրքիայից հնչող դժգոհություններին
Իտալիայի ԱԳՆ. Թուրքիան չափից դուրս կոշտ արձագանքեց հայերի բնաջնջման վերաբերյալ Հռոմի պապի խոսքերին
Սերժ Սարգսյան. Միայն Ֆրանցիսկոս պապի նման առաջնորդները կարող են աշխարհը զերծ պահել ցեղասպանություններից
Հռոմի պապ Ֆրանցիսկոս. Ցեղասպանությունը լռության մատնելը հանցակցություն է
Թուրքիան Վատիկանից հետ է կանչել իր դեսպանին. Հռոմի պապի հնչեցրած Ցեղասպանությունը
Թուրքիան Հայոց ցեղասպանության մասին Հռոմի պապի հայտարարությունից հետո կանչել է Վատիկանի դեսպանին
«Ֆրանս Պրես». Հռոմի Ֆրանցիսկոս Պապը օգտագործել է Ցեղասպանություն բառը