ՌԴ հավաքականի հայ բռնցքամարտիկները չեն մասնակցի Բաքվի Եվրոպական խաղերին
«ՌԴ հավաքականի առաջատարները` ազգությամբ հայ բռնցքամարտիկներ Միշա Ալոյանը և Դավիթ Հայրապետյանը, չեն մասնակցելու Եվրոպական խաղերին Բաքվում, քանի որ տարվա գլխավոր խնդիրն առավելագույն թվով ուղեգրեր ստանալն է 2016-ի Ռիո-դե-Ժանեյրոյի Օլիմպիական խաղերի համար»,- Р-Спорт-ի հետ հարցազրույցում հայտարարել է ՌԴ Բռնցքամարտի ֆեդերացիայի նախագահ Եվգենի Սուդակովը:
«Բնական է, որ APB և WSB մրցարշավներին մասնակցած բոլոր բռնցքամարտիկները չէ, որ կմասնակցեն Եվրոպական խաղերին, քանի որ նրանց պետք է վերականգնել ուժերը նոր օլիմպիական սեզոնից առաջ: Կարծում եմ` Բաքվում մեր պահուստային թիմը ելույթ կունենա»,- ասել է նա:
Նյութում նշվում է, որ ՌԴ տղամարդկանց հավաքականի գլխավոր մարզիչ Ալեքսանդր Լեբզյակայի խոսքերով` Բաքվի մրցարշավում նախատեսվում է ազգային հավաքականի երրորդ-չորրորդ համարների մասնակցությունը:
Նյութեր թեմայի շուրջ`
Ջեյմս Ուորլիքը ողջունում է Բաքվում կայանալիք Եվրոպական խաղերին մասնակցելու Հայաստանի որոշումը
Բաքվում Եվրոպական խաղերին ընդառաջ ոչնչացվում են նաև կանաչ տարածքներ
EurasiaNet.org. Եվրոպական խաղերը միջազգային հանրության ուշադրությունը կհրավիրեն Ադրբեջանում ժողովրդավարության խնդիրների վրա