Ձեր վստահելի աղբյուրը

«Տխուր եմ, մտածում եմ այն մարդկանց մասին, ովքեր իրենց կյանքը կորցրեցին այդ ողբերգության ընթացքում: Հուզված եմ, որ այստեղ եմ: Ֆրիտյոֆ Նանսենի երկրից եմ, այդ կապակցությամբ առավել հուզված եմ»,-«Ընդդեմ ցեղասպանության հանցագործության» գլոբալ ֆորումում ասաց Եվրոպայի խորհրդի գլխավոր քարտուղար Թորբյորն Յագլանդը:

Նա նշեց, որ հարյուր տարի առաջ հայերը դաժանաբար սպանվել են, հազարավոր հայեր աղքատության մատնվել. «Միայն հայերի կորուստը չէր, աշխարհի կորուստն էր»:

«Նման նոր ողբերգությունները կանխելու համար մենք պետք է ապրումակցենք նրանց, ովքեր տառապել են, կյանքի գինն են վճարել: Ֆրիտյոֆ Նանսեը դա ուներ, տեսնում էր տառապանքը, ողբերգությունը, անկախ որևէ քաղաքականությունից անում էր այն, ինչի կարիքը կար, փրկում էր հազարավոր մարդկանց: Այսօրվա լավագույն պատգամն էր արդի աշխարհում, երբ տեսնում ենք մարդկանց տառապանքը, պարզապես պետք է գործել»,- ասաց Թ. Յագլանդը:

Նա ընդգծեց, որ քաղաքականությունը խանգարում է կարեկցանքին. «Բոլոր պետություններն ունեն պատասխանատվություն կանխելու անմեղ մարդկանց նկատմամբ մարդու իրավունքների խախտումները: Առաջին հերթին պետություններն են պարտավոր կանխել էթնիկ զտումները, իսկ միջազգային կազմակերպությունները պետք է սատարեն, եթե չեն ցանկանում, մենք միջամտում ենք: Բոլորս ունենք պաշտպանելու պարտավորություն»:

Եվրոպայի խորհրդի գլխավոր քարտուղարն ասաց, որ Հայաստանը հայտնվելով խնդիրների կիզակետում, բոլորին օգնում է, որպեսզի առերեսվեն բարդ խնդիրներին և գործեն. «Խնդրում ենք, մի դադարեցրեք ձեր ջանքերը: Եվրոպայի խուրհուրդը շատ կարևորում է Հայաստանի դերը որպես մարդու իրավունքների, իրավունքի գերակայության հանձնառու պետության դերը, հատկապես կարևորում եմ, թե ինչքան եք ընդգծում օտարատյացության և ռասիզմի դեմ պայքարը: Երբ Հայաստանն էր նախագահում նախարարների կոմիտեում 2013-ին, այդ հարցերի դեմ պայքարը Հայաստանի կողմից շատ կարևորվեց, պարարտ հող հարթեց այսօր ծայրահեղականության և ռադիկալիզմի դեմ մեր պայքարի համար: Մենք կօգնեն ուժեղ ինստիտուտների կայացմանը»:

Նա հույս հայտնեց, որ Հայաստանը շուտով հաշտություն կգտնի հարևանների հետ. «Արդի Եվրոպայում ամենաուժեղ և բարեկեցիկ հասարակություները բաց հասարակություններ են՝ քաղաքականապես, տնտեսապես, հարևանների հետ»:

Թ. Յագլանդը նշեց, որ հայ-թուրքական արձանագրություններին անդրադառնալը հիանալի կլինի, կոչ արեց հնարավորությունը բաց չթողնել:

«Հայաստանը հույս ներշնչող պետություն է: Ձեր տառապանքը կարողացել եք ուժի վերածել, այս շաբաթ դա կարող է ամբողջ աշխարհը տեսնել: Շնորհակալություն հայ հասարակությանը քաջության համար, պարոն նախագահ ես ձեզ հետ եմ»,- իր ելույթի վերջում ասաց Թ. Յագլանդը:

Նախորդող հրապարակումներ՝
«Մարդկությունը բարոյական պարտավորություն ունի պայքարելու ընդդեմ ցեղասպանության հանցագործությունների» (լուսանկարներ)
Հայ ժողովրդին ոչնչացնելու փորձին մեր պատասխանը պետականության կառուցումն է, մեր վերածնունդն է. Սերժ Սարգսյան
ՀՀ նախագահ. Դեպի հաշտություն տանող ուղին ժխտողական կեցվածքը չէ, այլ գիտակցված հիշողությունը
Վազգեն Մանուկյան. Ապրիլի 24-ից հետո շարունակելու ենք ապրել, ինչպես ապրել ենք
ԱԺ նախագահ. Հայաստանը միայն իրենից պետք է ակնկալիքներ ունենա