Ձեր վստահելի աղբյուրը

Այս տարվա ընթացքում հանրապետությունում կենդանիների կարանտին, սուր վարակիչ հիվանդություններով պայմանավորված, չեն գրանցվել: Լրագրողների հետ հանդիպմանն այս մասին հայտնեց ԳՆ սննդամթերքի անվտանգության ծառայության անասնաբուժության տեսչության պետ Հովհաննես Մկրտչյանը:

«Այսօրվա դրությամբ Հայաստանում կենդանիների շրջանում կա միայն բրուցելոզ հիվանդության դեպքեր՝ 644 խոշոր եղջերավոր կենդանի և 285 մանր եղջերավոր կենդանի: Հիվանդ կենդանիների թիվը կարող է ավելանալ, քանի որ աշխատանքներն ընթացքի մեջ են»,-ասաց բանախոսը:

Մկրտչյանն անդրադարձավ Կապանի սպանդանոցում բրուցելոզով 19 մարդու վարակվելուն:

«Ահավոր դժվար էր կոնկրետ գտնել, թե որտեղից հիվանդ կենդանին հայտնվեց սպանդանոցում: Հաստատ չենք բացառում, որ հիվանդ կենդանի է մորթվել սպանդանոցում»,-ասաց նա, ավելացնելով, որ ուղեկցող փաստաթղթերի համաձայն սպանդանոց տեղափոխված բոլոր կենդանիները առողջ են եղել:

Ծառայության պաշտոնյան հայտարարեց, պարզից էլ պարզ է, որ տեղի ունեցածը հիգիենայի և կենսաանվտանգության կանոնների խախտման հետևանք է:

«Լավ գիտեք, որ սպանդանոցների ցանցը Հայաստանում օր օրի ընդլայնվում է: Բացառելու համար նման դեպքերի կրկնությունը, առոզջապահության ու գյուղատնտեսության նախարարների համատեղ հրամանով ընդունվել է ուղեցույց, որը վերաբերում է պատշաճ հիգիենայի կանոններին»,-ասաց նա:

Հ. Մկրտչյանի խոսքով, սպանդանոցի՝ միջազգային չափանիշներին համապատասխանելը դեռ չի նշանակում, որ հիվանդ կենդանու մուտքն այնտեղ արգելված է եղել:

«Դա ես չգիտեմ սխալ մենեջմենթի, բացատրական աշխատանքների պակաս համարենք, մորթը պետք է իրականացվի ձեռնոցներով, ակնոցներով: Մենք բոլորս էլ փնտրում ենք, ով է մեղավոր: Հիվանդ կենդանի է մուտք գործել սպանդանոց, իսկ բրուցելոզով հիվանդ կենդանին, ըստ ՀՀ օրենսդրության համապատասխան, կարելի է օգտագործել ջերմային մշակումից հետո: Այս պահին ամեն ինչ կարելի է ենթադրել, քննչական կոմիտեն զբաղվում է այդ գործով, մի քիչ համբերատար լինենք և կհասկանանք, ովքեր են մեղավոր, ովքեր են պատժվում»,-պատասխանելով հարցին, թե կարելի է ենթադրել, որ կենդանիներին ուղեկցող փաստաթղթերը կեղծ են:

Հիշեցնենք, որ բրուցելոզով հիվանդացել էին սպանդանոցի 19 աշխատակիցներ:

Մանրամասները՝ տեսանյոթում:

Նախորդող հրապարակումներ՝
Կապանի բժշկական կենտրոնում բուժում է ստանում մեկ հիվանդ. բրուցելոզը տեղայնացվել է
Սպանդանոցում աշխատել է ոչ թե 47, այլ 49 մարդ. Նոր մանրամասներ բրուցելոզից