Ձեր վստահելի աղբյուրը

ՀՀ կառավարության այսօրվա նիստից հետո ֆինանսների փոխնախարար Վախթանգ Միրումյանը լրագրողների հետ զրույցում ասաց, որ ֆինանսների նախարար Գագիկ Խաչատրյանը գործադիրի նիստերին չի մասնակցում, քանի որ առողջական խնդիրներ ունի:

«Վիրահատություն է անցել, առողջանալուց հետո նա կգա կառավարության նիստին»,- ասաց Վ.Միրումյանը:

Փոխնախարարն անդրադարձավ ԲՀԿ նախկին առաջնորդ Գագիկ Ծառուկյանին պատկանող ընկերություններում հարկային ստուգումներին` նշեց, որ գործընթացը շարունակվում է:

«Ստուգումներն ընթացքի մեջ են, և դեռ չեն ավարտվել, երբ որ ավարտվեն, դուք դրա մասին տեղեկատվություն կունենաք»,- ասաց Վ.Միրումյանը: նա:

Հարցին, թե հնարավո՞ր է Ծառուկյանի՝ քաղաքականությունից հեռանալուց հետո հրահանգ է իջեցվել դադարեցնել ստուգումները, փոխնախարարը չհամաձայնեց այդ դիտարկմանը. «Բոլոր այն կազմակերպությունները, որոնք ենթակա են ստուգման, ստուգվում են և որևէ կազմակերպության ստուգում անավարտ չի մնում»: