Ձեր վստահելի աղբյուրը

«Քեզ հետ, Հայաստա՛ն» համերգաշարի առաջիկա համերգը տեղի կունենա Նյու Յորքի  «Քարնեգի հոլ»-ում մայիսի 26-ին:
Համերգը միավորում է աշխարհահռչակ դաշնակահար Եվգենի Կիսինին և «Հովեր» կամերային երգչախմբին՝ գեղարվեստական ղեկավար Սոնա Հովհաննիսյան: Այս մասին Panorama.am-ին տեղեկացրեցին «Երևանյան հեռանկարներ» միջազգային երաժշտական փառատոնից:

Ծրագիրն ընդգրկում է Կոմիտասի, Ազիզյանի, Շարաֆյանի, Մանսուրյանի, Բաբաջանյանի, Պենդերեցկու, Շոպենի ստեղծագործությունները: Այդ օրը տեղի է ունենալու Ք. Պենդերեցկու ստեղծագործության համաշխարհահային պրեմիերան՝ նվիրված Հայոց ցեղասպանությանը:

Հիշեցնենք, որ «Քեզ հետ, Հայաստա՛ն» համերգաշարի մեկնարկը տրվել է Երուսաղեմում: Այնուհետև համերգներ են կայացել Տալլինում և Բրյուսելում: Առաջիկայում համերգներ են կայանալու Լոնդոնում, Սանկտ Պետերբուրգում, Հռոմում, Վիենայում:

«Այդ համերգների ծրագիրն այնպես է կազմված, որ անպայման պետք է իր մեջ հայկական տարրեր պարունակի: Այն համերգի ծրագրում, որտեղ հայ կոմպոզիտորի ստեղծագործություն ընդգրկված չէ, անպայման պետք է հայ մենակատար լինի»,- ավելի վաղ ասել էր «Երևանյան հեռանկարների» միջազգային փառատոնի տնօրեն Սոնա Հովհաննիսյանը: 

Նախորդող հրապարակումներ՝

«Մենք մեր մաշկի վրա զգում էինք թուրքական ճնշումները». «Քեզ հետ Հայաստան» համերգաշարի մասին
Հայտնի երաժիշտները ելույթ են ունենում աշխարհի ամենահեղինակավոր դահլիճներում՝ ի հիշատակ Հայոց ցեղասպանության զոհերի