![](https://panorama.am/news_images/18/53964_1/f55c4bbd72a15d_55c4bbd72a544.thumb.jpg)
Սահմանադրական բարեփոխումների այլընտրանքային նախագիծ ներկայացնելը քիչ հավանական է. Պողոսյան
Սահմանադրական բարեփոխումների մասնագիտական հանձնաժողովն այս պահին աշխատում է բարեփոխումների հայեցակարգի մեկ նախագծի վրա, և այլընտրանքային նախագիծը շրջանառության մեջ դնելը քիչ հավանական է: Այդ մասին Panorama.am-ի թղթակցի հետ զրույցում տեղեկացրեց Հանձնաժողովի անդամ, սահմանադրագետ Վարդան Պողոսյանը:
«Արդեն երկար ժամանակ է, որ մասնագիտական հանձնաժողովը աշխատում է խորհրդարանական կառավարման համակարգին վերաբերող նախագծի վրա և արդեն պատրաստ են Սահմանադրության առաջին երեք գլուխները, իսկ շուտով` մայիսի 15-ին, հանձնաժողովը կքննարկի կառավարման համակարգին վերաբերող բաժինները` Նախագահ, Ազգային ժողով, Կառավարություն», -տեղեկացրեց պարոն Պողոսյանը:
Քաղաքական 14 ուժեր ներկայացրել են նախագծի վերաբերյալ առաջարկություններ, և նրանց յուրաքանչյուրի հետ դրանք կքննարկվեն առանձին-առանձին:
«Այժմ ժամկետներն են ճշտվում»,- նկատեց Պողոսյանը:
Այնուհետև, մայիսի 18-19-ին հայեցակարգը Փարիզում կքննարկվի Վենետիկի փորձագետների հետ, մայիսի 22-ին հանձնաժողովը հանդես կգա մամլո ասուլիսով: Պողոսյանի խոսքով, հունիսին նախագիծը վերջնական տեսք կունենա, կներկայացվի նախագահին, այնուհետև` խորհրդարանին:
Սահմանադրության նախագծի մյուս տարբերակի` կիսանախագահական համակարգի կատարելագործման վերաբերյալ, շրջանառության մեջ դնելը սահմանարդագետը հավանական չի համարում, քանի որ քննարկման առանցքում և գրեթե բոլորի կողմից ընդունելի է խորհրդարանական կառավարման համակարգին վերաբերող տարբերակը:
«Խորհրդարանական համակարգին վերաբերող նախագիծը, որի վրա էլ աշխատում է հենց Հանձնաժողովը, կներկայացվի հանրապետության նախագահին, այնուհետև` Ազգային ժողով, թեպետ Հանձնաժողովը կաշկանդված չէ այլընտրանքային տարբերակ ներկայացնելու հարցում», -ասաց Պողոսյանը:
Լրահոս
Տեսանյութեր
![Արցախի ղեկավարությունը Բաքվում է, որովհետև նրանք առաջնորդել են մեր քաղաքական պայքարը. Բեգլարյան](https://panorama.am/video_images/18/53959_1/53964459152_d54b3ba492_b_1_thumb.thumb.jpg)
Արցախի ղեկավարությունը Բաքվում է, որովհետև նրանք առաջնորդել են մեր քաղաքական պայքարը. Բեգլարյան
![Ես ներողություն են խնդրում յուրաքանչյուրից. Բագրատ Սրբազան](https://panorama.am/video_images/18/53985_1/f676e5c5b36b86_676e5c5b36bc5.jpg)
![Փաշիկ Ալավերդյանը հունից դուրս եկավ](https://panorama.am/video_images/18/53955_1/f676bbc361ea91_676bbc361ead1.jpg)