Ձեր վստահելի աղբյուրը

Մեծի Տանն Կիլիկո Կաթողիկոսրանի՝ Սիսի կաթողիկոսարանի վերադարձի պահանջը թուրքական կառավարությանը, միայն սկիզբն է պահանջատիրության։ Լրագրողների հետ հանդիպման ժամանակ ասաց Գիտությունների ազգային ակադեմիայի Պատմության ինստիտուտի Հայկական հարցի և Հայոց ցեղասպանության բաժնի վարիչ Արմեն Մարուքյանը:

Ըստ նրա, հավանականությունը մեծ է, որ թուրքական դատարանը կմերժի հայցը, այդ դեպքում պետք է դիմել  Մարդու իրավունքների Եվրոպական դատարան։ Միաժամանակ նա նշեց, որ  Սիսի կալվածքները վերադարձնելու պահանջը տեղավորվում է Համահայկական հռչակագրի տրամաբանության մեջ, ըստ որի ոչ թե սահմանափակվել միայն Հայոց ցեղասպանության միջազգային ճանաչման գործընթացով, այլ նաև առաջ է քաշվելու պահանջատիրության հարցը:

Ասուլիսին ներկա թուրքագետ Անդրանիկ Իսպիրյանն էլ նշեց, որ այս հայցը Թուրքիայի համար մղձավանջային էր, որովհետև նրանք ամենաշատը խուսափում էին հենց փոխհատուցման հետ կապված դատերից: Նա նշեց, որ Թուրքիայի Սահմանադրական դատարանը կարող է ձգձգել հայցի քննարկումը: Ըստ թուրքագետի, հայկական կողմը չպետք է սպասի թուրքական դատարանի որոշմանը, զուգահեռ պետք է շարունակի աշխատանքներն այլ հայցերի հետ կապված։ Ա.Իսպիրյանի խոսքով, Թուրքիայի՝ Հայոց ցեղասպանության ժխտման քաղաքականությունն ուղղված է ժամանակի ընթացքում մոռացության մատնել կատարած հանցագործությունը: