Ձեր վստահելի աղբյուրը

Հայաստանը «Եվրատեսիլ-2015» երգի միջազգային մրցույթում ներկայացնող «Genealogy»-ին ամենամիջազգային խումբն է: Այսպես են բնորոշում հայկական խմբին մրցույթի պաշտոնական կայքում:

«Genealogy»-ին այսօր իր երկրորդ փորձն է անում:

Հիշեցնենք, որ ավելի վաղ լրագրողների հետ հանդիպման ժամանակ Եվրատեսիլ» մրցույթում հայաստանյան պատվիրակության ղեկավար Գոհար Գասպարյանն ասել էր, որ ունենալու են թվային, մինիմալիստական, բայց հայկական էլեմենտներով, շնչով, գեղեցիկ, ոճային բեմադրություն: «Մեր երգիչները կենտրոնանալու են իրենց երգեցողության վրա: Բարդ երգ է, փորձել ենք հնարավորինս նվազեցնել բարդ շարժումներն ու բարդ լուծումները: Այն ինչ պետք է անել, ասելիքը տեղ հասցնելն է»,- ասել էր նա՝ ընդգծելով, որ բեմի վրա զգացվելու է Հայաստանի շունչը:

Հիշեցնենք, որ Հայաստանն «Եվրատեսիլ- 2015» երգի միջազգային մրցույթին այս տարի ներկայանում է նոր ձևավորված «Genealogy» խմբով՝ համախմբելով 1915 թ-ին աշխարհի 5 մայրցամաքներում (Եվրոպա, Ասիա, Ամերիկա, Աֆրիկա, Ավստրալիա) սփռված հայ ժողովրդի նոր սերնդին: Խմբում ծագումով հայ 5 երգիչներ են, ովքեր զուգակցվում են անմոռուկի 5 թերթիկների հետ, իսկ Հայաստանի մասնակիցը համախմբում է թերթիկները: Եվրոպա աշխարհամասը ներկայացնում է ֆրանսահայ ճանաչված երգիչ Եսայի Ալթունյանը, Ամերիկան` Թամար Կապրելյանը, Աֆրիկան` եթովպահայ Վահե Թիլբյանը, Ասիան՝ Ստեֆանի Թոփալյանը, Ավստրալիան՝ օպերային երգչուհի Մերի-Ջին Օ'Դոհերթի Վասմաթզյանը, Հայաստանը՝ Ինգա Արշակյանը: Խումբը երգը կներկայացնեն «Face The Shadow» (թարգմանաբար` Առերեսվի՛ր ստվերին) խորագրի ներքո: «Եվրատեսիլ- 2015» երգի միջազգային մրցույթը կանցկացվի Ավստրիայի մայրաքաղաք Վիեննայում՝ «Կառուցելով կամուրջներ» նշանաբանի ներքո մայիսի 19-23-ը: Հայաստանը ելույթ է ունենալու առաջին կիսաեզրափակչի ընթացքում՝ մայիսի 19-ին երկրորդ համարի ներքո:

Նախորդող հրապարակում՝
Հինգ մայրցամաք միավորվել են հանուն սիրո, խաղաղության և միասնության. «Genealogy»-ի առաջին փորձը (տեսանյութ)