Ձեր վստահելի աղբյուրը

Այս տարի «Թանգարանների գիշեր» միջոցառման համար ընտրվել է «Թանգարաններ՝ հիշողության վկաներ» խորագիրը: Հայաստանի տարածքից դուրս ևս իրականացվելու են միջոցառումներ՝ արտերկրի դեսպանություններում և կենտրոններում: Այսօր լրագրողների հետ հանդիպմանը հայտնեց մշակույթի փոխնախարար Արև Սամուելյանը՝ շեշտելով, որ թանգարաններն անմասն չէին կարող մնալ տարվա խորհրդից՝ Հայոց ցեղասպանության տարելիցից:

«Տարբեր երկրներում «Հայաստանը քարտեզներում» խորագրով շնորհանդես կլինի: Բոլոր թանգարաններն աշխատել են լավագույնս ներկայացնել ծրագրեր՝ համերգներ, բեմականացումներ, դասախոսություններ, ցուցահանդեսներ»,-ասաց նա:

Ա. Սամուելյանը հայտնեց, որ հատուկ «Թանգարանների գիշեր» ծրագրի համար բոլոր այցելուները կարող են գրանցվել և միանալ Firechat հավելվածին: Այն միավորում է այցելուներին և հնարավորություն ստեղծում կիսվել օրվա իրադարձություններով, տեղեկանալ, թե ինչ է կատարվում այլ թանգարաններում:

Հիշեցնենք, որ միջոցառմանն այս տարի մասնակցելու է 111 թանգարան Հայաստանից և Արցախից:

Անցկացվող միջոցառումների ամբողջական ցանկն՝ այստեղ: Բոլոր թանգարանները լինելու են անվճար և բաց մինչև կեսգիշեր, իսկ Երևանի մետրոպոլիտենը մինչև 1-ը բաց է լինելու:

Նախորդող հրապարակումներ՝
«Թանգարանների գիշեր». Ուր գնալ այսօր
Թանգարանային գիշերվա շրջանակներում ԳԱԿ-ում ցուցադրվելու է Սուրեն Պիպոյանի «Գաղթ» կտավը
Ռուբեն Սևակի թանգարանում ցուցադրվելու է Ցեղասպանության նահատակների Սրբադասման առիթով ստեղծված «Սրբոց Նահատակաց» սրբապատկերը