Ձեր վստահելի աղբյուրը

Մեկ տարի՝ առանց Ստեփան Գիշյանի ու նրա ներկայությամբ: Այսպես անցած ժամանակը բնութագրեց «Ակբա–Կրեդիտ Ագրիկոլ Բանկ» փակ բաժնետիրական ընկերության գլխավոր գործադիր տնօրեն Հակոբ Անդրեասյանը՝ խոսելով ուսանողական ընկերոջ, գործընկերոջ մասին:

«Այս մեկ տարվա ընթացքում նա մեր կողքին չէր, բայց շատ հաճախ ենք հիշել նրան, խոսել ենք նրա հետ, խորհուրդ ենք հարցրել, կենաց ենք խմել, ծիծաղել ենք, որովհետև Ստեփանը լավ հումոր ուներ, շատ հաճախ իր տեսակետներն ենք քննարկել, որովհետև ինչ նա հասցրել է անել՝ բավականին մեծ պաշար է, որին հետագայում էլ պետք է անդրադառնալ ու քննարկել»,-ասաց Հակոբ Անդրեասյանը:

Սունդուկյանի անվան թատրոնի դահլիճը մայիսի 15-ի երեկոյան մարդաշատ էր՝ հուշ երեկոն նվիրված էր Ստեփան Գիշյանին: Այստեղ նրա մայրն էր, հարազատները, մտերիմները, ընկերները, գործընկերները՝ մարդիկ, ովքեր լավ են ճանաչել Ստեփան Գիշյանին: Մայիսի 5-ին նա կդառնար 51 տարեկան… Նա մահացավ անցած տարի՝ մարտի 22-ին:

«Գիշյանը նոր ստանդարտներ, մոտեցումներ ու մշակույթ է բերել բանկային համակարգ: Թերևս դրանով է բացատրվում հանգամանքը, որ բանկային համակարգում «Ակբա բանկ»-ն իր ուրույն տեղն ունի ու շատ հարցերով տարբերվում մյուս բանկերից: Առաջաին հերթին դա Ստեփանի նոր մոտեցումների արդյունք է»,-ասաց բանկի ներկայիս գլխավոր գործադիր տնօրենը:

Անդրեասյանը ներկայացրեց երջանկության վերաբերյալ իր ընկերներից մեկի բանաձևը՝ «Երջանկությունն այն է, երբ աշխատանքի վայրից ուզում ես գնալ ընտանիք, ընտանիքից՝ աշխատանքի: Կարծում եմ, որ Ստեփանը դրա կեսը մեզ տվել է: Երկար տարիներ ամուսնացած չլինելով հանդերձ, բոլորի ընտանեկան խնդիրներին ուզում էր հաղորդակից լինել: Նա էր, որ բանկում ավանդույթ ձևավորեց՝ ամուսնացողին, երեխա ունեցողին, արձակուրդ գնացողին պետք է պարգևատրում տանք: Մի խոսքով այնպես լինի, որ երջանկության կարևոր այդ երկու ատրիբոիտները իրար հավասարակշռեն»:

«Ակբա-Կրեդիտ Ագրիկոլ Բանկ»-ի նախաձեռնությամբ շուտով կսկսի գործել Ստեփան Գիշյան բարեգործական հիմնադրամը:

«Դրա գործունեությունն ուղղված է լինելու հայ-ֆրանսիական հարաբերությունների խորացմանն ու բարեկամության ամրապնդմանը: Ստեփանը Հայաստանում լավագույնս ներկայացնում էր Ֆրանսիան ու ֆրանսիական մշակույթը, իսկ Ֆրանսիայում՝ Հայաստանն ու հայկական մշակույթը»,-ասաց Անդրեասյանը, ով եղել է Գիշյանի ուսանողական ընկերն ու բազմաթիվ տարիների գործընկերը:

Ընկերներից մեկն էլ հիշեց, երբ չորս ընկերներով կանանց հետ Փարիզ էին գնացել՝ Շարլ Ազնավուրի համարգին. «Մենք բոլորս վայելեցինք Շարլի երգերը, բացի Ստեփանից: Նա անընդհատ մեզ համար թարգմանում էր երգի բառերը, որպեսզի մենք առավելագույն հաճույք ստանանք համերգից»:

Սունդուկյանի անվան թատրոնի բեմում հետո ելույթ ունեցած երգիչներ, կատարողներ:

Բանկի մասին այլ լուրեր՝
Երևանի կենտրոնում բացվել է Ակբա–Կրեդիտ Ագրիկոլ բանկի «Սայաթ-Նովա» մասնաճյուղը
ԱԿԲԱ բանկը Մեծամոր քաղաքում գործարկել է 53-րդ մասնաճյուղը
Ակբա-Կրեդիտ Ագրիկոլ բանկը բացթողումը լրացրել է. Բայրոնի կիսանդրին՝ Բայրոն փողոցում
ԱԿԲԱ-ի կողմից նախաձեռնված ծառատունկերի շարքը շարունակվել է Գավառ քաղաքում
ԱԿԲԱ բանկը Գյումրիում գործարկել է 54-րդ՝ «Անի» մասնաճյուղը
Օնլայն առևտրի նոր հեռանկարներ՝ Հայաստանում. Ակբա-Կրեդիտ Ագրիկոլ բանկ
Կրկնակի բնապահպանական միջոցառում Կոշի մանկական վերականգնողական կենտրոնում՝ ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԻ կողմից
Դյուրացում`դեսպանատներ բանկային հաշիվների մասին տեղեկանք ներկայացնելու գործընթացում. Ակբա-Կրեդիտ Ագրիկոլ բանկ