Ձեր վստահելի աղբյուրը

Միջպետական բանկում գրավադրված «Նաիրիտ»-ի գույքը հանվում է գրավից: Այս մասին Panorama.am-ի հետ զրույցում ասաց նաիրիտցիների բողոքի ակցիաները համակարգող խմբի անդամ Անուշ Հարությունյանը:

«Պատգամավոր Նիկոլ Փաշինյանը խոսել է էներգետիկայի և բնական պաշարների նախարար Երվանդ Զախարյանի հետ: Նա է տեղյակ պահել: Դե ֆակտո հանված է, դե յուրե՝ արվում են իրավաբանական ձևակերպումները»,- ասաց նա:

Ա. Հարությունյանի խոսքով, գործարանի գույքը գրավադրումից հանելով՝ հնարավոր կլինի աշխատակիցների կուտակված պարտքը մարել 1-2 ամսվա ընթացքում:

Նաիրիտցիներն այսօր առավոտյան հավաքվել էին նախագահական նստավայրի մոտ, իսկ այժմ նրանք Ազգային ժողովի դիմաց են: Նրանց է մոտեցել պատգամավոր Նիկոլ Փաշինյանը:

«Նաիրիտ» գործարանի աշխատակիցների աշխատավարձի պարտքը կազմում է 5,7 մլրդ դրամ, որը կուտակվել է վերջին չորս տարիների ընթացքում: Նաիրիտցիները դեռևս նախորդ տարվա վերջից պարբերաբար բողոքի ակցիաներ են անում՝ պահանջելով վճարել իրենց պարտքը, իսկ նախորդ շաբաթ կառավարության շենքի մոտ երկօրյա նստացույց արեցին: 

Նախորդող հրապարակումներ՝
Նաիրիտցիների նախազգուշական նստացույցն ավարտվեց
Գիշերը բաց երկնքի տակ անցկացրած նաիրիտցիներին ոչ ոք դեռ չի մոտեցել (Լուսանկարներ)
Նաիրիտցիներն ակցիաներից անցնում են նստացույցի
Զախարյանը հուսով է, որ մինչև տարեվերջ նաիրիտցիների ամբողջ աշխատավարձը կմարվի
«Նաիրիտ» գործարանում անցկացված աուդիտի պատասխանը կլինի երկու օրից
Նաիրիտցիները դիմում են Մարդու իրավունքների պաշտպանին
Նախարարի հետ հանդիպումը նաիրիտցիներին որևէ հույս չի տվել
Երվանդ Զախարյանն ընդունելու է նաիրիտցիներին
«Եթե նախարարի վերադառնալուց հետո մեզ նորից չընդունեն, դա կդիտվի արհամարհելու միտում». Նաիրիտցիներ
Նաիրիտցիները հույսները չեն կորցնում
Նաիրտցիները մինչև մարտի 3-ը դադարեցնում են ակցիաները
«Նաիրիտ» . Նախարարը կատարել է իր խոստումը
Նաիրիտցիները՝ նամակի պատասխանին սպասելիս