Ձեր վստահելի աղբյուրը

Մի քանի օր առաջ տեղացած կարկուտի պատճառած վնասները ևս մեկ անգամ ցույց տվեցին, որ հակակարկտային կայանները ցածր արդյունավետություն ունեն կամ ընդհանրապես չեն օգնում գյւողացուն: Panorama.am-ի հետ զրույցում նման տեսակետ հայտնեց Հայաստանի ագրարագյուղացիական միավորման նախագահ Հրաչ Բերբերյանը:

Մասնագետն, ամենաառաջադեմ փորձն այս առումով, բույսերի ցանցապատումն է համարում, որը Հայաստանում չի կիրառվում. «Ցանցապատումը մեծ ծախսերի հետ կապված չէ, հարկավոր է լավ ծրագիր մշակել ու դրանով առաջնորդվել»:

Թե ինչու ծրագիր չի մշակվում հարցին, Բերբերյանը չի պատասխանում, ասում է. «Լուրջ ուսումնասիրության կարիք կա՝ հասկանալու, թե ինչու են հույսները կապում անարդյունավետ համակարգի հետ»:

Մայիսի 15-ին տեղացած կարկուտի հետևանքով, գյուղատնտեսության նախարարության հրապարակած տվյալների համաձայն, Արմավիրի մարզի Արգինա, Քարակերտ, Շենիկ, Արտամետ, Բաղրամյան, Կողբավան, Հուշակերտ, Արագածոտնի մարզի Արագածավան և Արտենի , Վայոց ձորի Ռինդ, Աղավնաձոր և Չիվա, Արարատի մարզի հիմնականում Կանաչուտ և Այգեստան համայնքներում տուժել են շուրջ 1454 հեկտար տարածքներ, այդ թվում` շուրջ 1059 հեկտար պտղատու այգիներ և 395 հեկտար խաղողի այգիներ:

Նշված մարզերում տուժած 1059 հեկտար պտղատու այգիներից վնասը կազմում է շուրջ 3700 տոննա, իսկ խաղողի այգիներից` 1650 տոննա: Ընդհանուր գումարային արտահայտությամբ վնասի նախնական չափը կազմել է շուրջ 1 մլրդ 142 մլն դրամ, որից 836 մլն դրամը` պտղատու այգիներից, իսկ շուրջ 306 մլն դրամը` խաղողի այգիներից:

Նախորդող հրապարակումներ՝
Կարկտահարության պատճառած վնասներն էական ազդեցություն չեն ունենա կանխատեսվող պտղի և խաղողի արտադրության ծավալների վրա. ԳՆ
Կարկուտից տուժած գյուղապետ. «Սովետական կաստյումներս կհանինք, կհագնինք»
Կարկտահարություն Արագածոտնի և Վայոց ձորի մարզերում
Բերբերյան. Քանի դեռ հակակարկտային կայաններն արդյունավետ չեն աշխատում, գյուղապահովագրությունը ռիսկային է
Հ. Բերբերյան. Չար լեզուները փորձում են բարձր ինքնարժեք ցույց տալ, որպեսզի իրենց դիրքերը պահպանեն
Կարկուտից պաշտպանելու համար Բերբերյանը առաջարկում է ցանցապատել այգիները