Ձեր վստահելի աղբյուրը

«Տաթևեր» ճոպանուղու «Հալիձոր» կայարանի մոտ հունիսի 6-ին կայանալու է «Ոչխարի խուզում» երկրորդ փառատոնը: Այս մասին տեղեկանում ենք փառատոնի կազմակերպիչ՝ «Հայրենիքի զարգացման նախաձեռնություն» հիմնադրամի պաշտոնական կայքից:

Միջոցառման գլխավոր նպատակը տարածաշրջանում հասարակական, տնտեսական, մշակութային և քաղաքացիական գործունեության հնարավորությունների ձևավորումն է: «Ոչխարի խուզում» փառատոնն անցկացվում է կոնկրետ Սյունիքի մարզում, քանի որ այդ տարածաշրջանում ոչխարաբուծությունն ու անասնապահությունը բավականին զարգացած են: Բուրդը հանձնվում է գորգործության նպատակով:

Հիմնադրամը հուլիսի 11-ին Շիրակի մարզում (Սառնաղբյուր)  երկրորդ անգամ կազմակերպելու է  «Տարազի» փառատոն, որի նպատակն է՝ մասսայականացնել, հասարակության լայն շերտերին ներկայացնել իրենց պատմական հարուստ մշակույթի մաս կազմող ավանդական տարազը:

Սեպտեմբերի 12-ին Գեղարքունիքի մարզում (Վարդենիս) կազմակերպվելու է «Ոսկե հասկ» փառատոնը, որի նպատակն է Հայաստանում՝ մասնավորապես հեռավոր համայնքներում, ստեղծել և խթանել կայուն տնտեսական զարգացմանն ուղղված նախաձեռնությունը:

Նախորդող հրապարակումներ՝
Էկոտուրիզմի զարգացմանը նպաստելու համար
«Տարազի» փառատոն՝ Շիրակի մարզի Արփենի գյուղում
«Խենթ, միաժամանակ հաճելի փառատոն». Խուզեցին 15 ոչխար