«Չի կարելի այսպես շարունակել». Պիպոյանը՝ մանկապարտեզներում գրանցված թունավորումների մասին
Վերջին օրերին Արմավիրի մի քանի մանկապարտեզների երեխաների շրջանում գրանցված թունավորումները «Իրազեկ և պաշտպանված սպառող» ՀԿ նախագահ Բաբկեն Պիպոյանը համարում է կառավարության անգործության ու սննդամթերքի անվտանգության ոլորտում առկա ոչ պրոֆեսիոնալիզիմ հետևանք. «Չի կարելի այսպես շարունակել: Էդ երեխեքը մեղք են, մի հատ հաշվեք, թե քանի երեխա է տուժել»:
Նա կարծում է, որ եթե 2014-ի սեպտեմբերին կառավարություն ներկայացրած առաջարկությունները կյանքի կոչվեին, ապա սննդամթերքի անվտանգության առումով ռիսկերը նվազագույնի կհասցվեին. «Այդ ժամանակ մենք կունենայինք Հայաստանի ողջ տարածքում սննդամթերք մատակարարվող տնտեսվարողների բազա, կիմանայինք, որ տնտեսվարողը որ մանկապարտեզին որ արտադրության ապրանք է մատակարարում, կունենայինք ծնողական ինստիտուտներ…»:
Պիպոյանը նկատեց, որ Երևանի քաղաքապետարանը այդ առաջարկություններից հետո մրցույթում հաղթող ճանաչված ընկերություններին ուղորդել է ՍԱՊԾ՝ տվյալների գրանցում իրականացնելու:
«Մենք առաջարկում էինք, որ մրցույթում շահած տնտեսվարողները գրանցվեին Սննդամթերքի անվտագության պետական ծառայությունում, որպեսզի ունենայինք մեկ միասնական բազա: Մրցույթում շահելուց հետո ՍԱՊԾ-ն պետք է ստուգում իրականացնի այդ ընկերություններում, որպեսզի հերթը չհասնի երեխաներին թունավորումներին, մենք պետք է կանխեինք դա: Վերջ, երեխաները թունավորվել են, մենք այս համակարգի ներդրման մասին խոսել ենք մինչ թունավորումները, երբ ոստիկանությունը կանխել էր փչացած հավերի մատակարարումը: Ասել էինք, եթե չներդրվի այդ համակարգը, ապա լինելու է թունավորում»:
Պիպոյանը նկատեց, որ միգուցե նույն ընկերությունը սնունդ է մատակարարում նաև Գեղարքունիքի մանկապարտեզներին:
Հիշեցնենք, որ վերջին մի քանի օրերի ընթացքում թունավորման դեպքեր գրանցվեցին Արմավիրի մարզի Ալաշկերտ համայնքի, Արմավիր քաղաքի թիվ 6 և թիվ 9 մանկապարտեզների սաների շրջանում: Պարզվում է, որ այս մանկապարտեզներին սնունդ մատակարարում է միևնույն՝ «Մ.Ա.Ս.Տ.Ա.» ՍՊԸ-ն:
Սննդամթերի անվտանգության պետական ծառայության մամուլի խոսնակ Նվարդ Առաքելյանը Panorama.am-ին ասաց, որ իրենք չունեն տվյալների բազա, թե այդ ընկերությունը այլ մարզերի մանկապարտեզներին սնունդ մատակարարո՞ւմ է, թե՞ ոչ: Այս պահին հստակ է, որ «Մ.Ա.Ս.Տ.Ա.» անունով ընկերությունը սնունդ մատակարարում է Արմավիր քաղաքի 10 մանկապարտեզի, ինչպես նաև Արմավիրի մարզի Ալաշկերտ ու Շենիկ համայնքերի մանկապարտեզներին:
Հիշեցնենք, որ Ալաշկերտում առաջինը գրանցվեց երեխաների թունավորման դեպքը: Առողջապահության նախարարությունից այսօր հայտարարեցին, որ հիվանդներից հայտնաբերվել է շիգելլա զոնե, իսկ խոհանոցների և խմբասենյակների մի շարք առարկաներից՝ աղիքային ցուպիկի խմբի մանրէներ:
Շենիկի գյուղապետ Կորյուն Մինասյանը Panorama.am-ին ասաց, որ այս պահին իրենց գյուղի մանկապարտեզի սաների ծնողներից բողոքներ չեն ստացել երեխաների առողջական վիճակի մասին. «Մենք ամեն օր հետաքրքրվում ենք երեխաների առողջությամբ: Դա մեր սուրբ պարտականությունն է»:
Ի դեպ, գյուղապետը չգիտեր էլ, որ համայնքապետարանի ենթակայությամբ գործող մանկապարտեզին սնունդ մատակարարում է այն նույն ընկերությունը, որը սնունդ տանում էր նաև Ալաշկերտ գյուղի մանկապարտեզին:
Սննդամթերքի անվտանգության պետական ծառայության տարածած հաղորդագրության մեջ նշվում է. « Շիգելա զոնեն (դիզենտերիան) համարվում է «կեղտոտ ձեռքերի» հիվանդություն, որը հանդիսանում է մարդկային շփման գործոնով պայմանավորված վարակ»:
Պիպոյանը սրան արձագանքեց. «Հասարակ օրինակ եմ ուզում բերել. Հայ ընտանիքների քանի տոկոսում է խոհանոցն իդեալական մաքրության մեջ, հայ ընտանիքների քանի տոկոսում են դանակն ախտահանում, և այլն, և այլն: Ոչ, հումքն է խնդիրը, շիգելա զոնեն սննդային թունավորում է: Շատ լավ կլինի, եթե հիվանդություններից չխոսեն այն մարդիկ, ում իրավասության շրջանակում դա չէ, իրենք թող խոսեն սննդամթերքի անվտանգությունից: Շիգելա զոնեի մասին թող խոսեն բժիշկները: Ստացվում է, որ բոլորը կեղտոտ ձեռքերո՞վ են սնունդ պատրաստել ու կերել»:
Նախորդող հրապարակումներ՝
Փոխմարզպետ. Արմավիրի բոլոր մանկապարտեզներում ուսումնասիրություն է իրականացվում
Արմեն Մուրադյանը վստահեցնում է, որ վաղը պարզ կլինի Ալաշկերտի երեխաների թունավորման պատճառը
Առաջիկա երկու օրերի ընթացքում պարզ կդառնա Ալաշկերտի հոսպիտալացված երեխաների հիվանդության պատճառը
Ինչո՞ւ են մանկապարտեզներում հաճախացել երեխաների թունավորումները
Գյուղապետ. Ալաշկերտից հոսպիտալացվածների թվում մանկապարտեզի ու դպրոցի սաներ են
Արմավիր բժշկական կենտրոնի ինֆեկցիոն բաժանմունք են հոսպիտալացվել երեխաներ
Ալաշկերտի մանկապարտեզը չի գործում
Մանկապարտեզներին քիմիական մշակման ենթարկված թռչնամիս մատակարարելու դեպքով հարուցվել է քրեական գործ
Էդվարդ Մխիթարյան անունով անհատ ձեռնարկատեր ՍԱՊԾ-ում գրանցված չէ. Սուքիասյան
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
Երեխաները փչացած հավի միսը չեն կերել. Վստահեցնում են մանկապարտեզներից
Նոր մանրամասներ փչացած հավի մսի գործից
Քաղաքապետարանի պարզաբանումը՝ մայրաքաղաքի 3 մանկապարտեզներին անորակ թռչնամսի մատակարարման վերաբերյալ
«Թունավորված երեխաների մեծ մասի մոտ աղիքային վարակ է». մասնագետի մեկնաբանությունները
Եղվարդի թիվ 1 մանկապարտեզում կասեցվել է սննդամթերքի օգտագործումն ու մատակարարումը
ԱՆ. Հոսպիտալացված երեխաների առողջական վիճակը բարելավվում է
Եղվարդում հոսպիտալացվել է 54 երեխա. Հարուցվել է քրեական գործ
Եղվարդի մանկապարտեզում թունավորված 15 երեխայից 2-ը տեղափոխվել են Երևան
ՍԱՊԾ –ն՝ Եղվարդի թիվ 1 մանկապարտեզում սաների թունավորման դեպքի մասին
Պիպոյանը՝ Եղվարդի դեպքի մասին. «Դանակը հասավ ոսկորին»
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
