Ձեր վստահելի աղբյուրը

Ալեքսանդր Սպենդիարյանի անվան օպերայի և բալետի ակադեմիական թատրոնի տնօրինությունը հրաժարվում է էլեկտրաէներգիա տրամադրել Ազատության հրապարակում մի քանի ժամ հետո կայանալիք հավաքի անցկացման համար: Հրապարակից մեկնարկելիք երթի մասնակիցները «Ֆեյսբուք» սոցիալական ցանցի միջոցով խնդրում են. «Եթե դվիժոկ ունեցող կա, ձեն հանեք»:

Թատրոնի փոխտնօրեն Սուրեն Աղաբաբյանի պարզաբանումը խնդրի վերաբերյալ Panorama.am-ի հետ զրույցում ներկայացրեց թատրոնի մամուլի խոսնակ Վահագն Զաքարյանը: Նրա ներկայացմամբ, որ խնդիրը վաղուց է հասունացել, կապված չէ, ոչ երեկ կայացած, ոչ էլ այսօր ու վաղը կայանալիք միջոցառումների հետ:

«Օպերայի և բալետի թատրոնն ամեն անգամ ծախս է անում հավաքներ անցկացման համար, որևէ ձևով այդ ծախսը չի փոխհատուցվում, ոչ էլ փոխհատուցման խնդիր կա, քանի որ մենք չենք կարող էլեկտրաէներգիա վաճառել: Ստացվում է, որ շենքը գտնվում է այստեղ, ու ծախսերն ամբողջությամբ մնում է թատրոնի վրա: Խոսքը վերաբերում է թատրոնի հարևանությամբ իրականացվող բոլոր միջոցառումներին: Դա մեծ ծախսեր են, մենք ուզում ենք, որ խնդիրը մեզ համար լուծվի, օրերից մի օր պետք է հարցը լուծվի, մի ձև պետք է գտնվի»,-ասաց Վ. Զաքարյանը:

Նա չկարողացավ հստակ ասել, թե Ազատության հրապարակում անցկացվող հավաքների պատճառով որքա՞ն ավել գումար է վճարում թատրոնի տնօրինությունը էլեկտրաէներգիայի համար. «Չկա հավելյալ հաշվիչ»:

Քաղաքապետարանից երթի մասին հայտնել են. «Երևանի քաղաքապետի լիազոր ներկայացուցչի 20.05.2015թ. որոշմամբ ի գիտություն է ընդունվել ՀՀ քաղաքացիներ Վաղինակ Շուշանյանի և Արտուշ Չիբուխչյանի իրազեկումը՝ 2015 թվականի մայիսի 27-ին ժամը 19.00-22.00 Ազատության հրապարակում հավաք և հավաքի ընթացքում Սայաթ-Նովա պողոտա-Աբովյան փողոց-Հանրապետության հրապարակ-ՀՀ կառավարության շենք-Ամիրյան փողոց-Մաշտոցի պողոտա-Ազատության հրապարակ երթուղով երթ անցկացնելու վերաբերյալ»:

Երթն հոսանքի թանկացման դեմ է: Երթի մասնակիցները հնարավոր թանկացումն «ապօրինի» են համարում:
Հիշեցնենք, որ ՀԷՑ-ը դիմել է հանրային ծառայությունները կարգավորող հանձնաժողովին՝ հոսանքը 40-53%-ով բաձրացնելու համար:

Նախորդող հրապարակումներ՝
«Քաղաքական ենթատեքստ եմ տեսնում». տնտեսագետը՝ Էլէներգիայի սակագնի մասին
«Սենսացիա չկա». ՀԷՑ-ն ուղղել է էլէներգիայի սակագնի մասին հայտում տեղ գտած անճշտությունները
Սպառողը չպիտի վճարի գողության համար. Դավիթ Հարությունյան
«Հոսանքի թանկացումն ավելի է աղքատացնելու առանց այն էլ աղքատ ժողովրդին». բողոքի ակցիա ՀԾԿՀ շենքի դիմաց
Բողոքի ակցիա կառավարության դիմաց՝ ընդդեմ էլեկտրաէներգիայի թանկացման
«Ոչ թալանին» քաղաքացիական նախաձեռնությունը հայտարարում է իրազեկման ավտոերթի մասին
Բողոքի մեծ երթ՝ ընդդեմ էլեկտրաէներգիայի թանկացման
Էլեկտրաէներգիայի հնարավոր թանկացման դեմ ՀԱԿ-ը ստորագրահավաք է նախաձեռնել ԱԺ-ում
Էլեկտրաէներգիայի թանկացման դեմ փողոցային պայքարը միակ ճնշող ճանապարհն է. Հանրային քննարկում
«Ոչ թալանին» նախաձեռնությունը կպայքարի էլեկտրաէներգիայի թանկացման դեմ
Այսօրվա հայտն ինձ համար որևէ հիմք չի կարող հանդիսանալ. Ռ.Նազարյանը՝ էլեկտրաէներգիայի սակագնի թանկացման հայտի մասին 
Դժբախտաբար, ամեն ինչ մեզանից կախված չէ. Զախարյանը՝ էլէներգիայի սակագնի մասին