Ձեր վստահելի աղբյուրը

«Հայաստանի էլեկտրացանցի ներկայացուցիչներն իրականացնում են ոչ արդյունավետ կառավարում, իրենց նպատակը ոչ թե մեզ մատչելի, որակով ծառայություններ մատակարարելն է, այլ ուղղակի օգտագործելով մեզ, նաև տնտեսությունը, իրենց անձնական խնդիրները լուծելն է»: Այսօր լրագրողների հետ հանդիպմանը խոսելով Էլեկտրաէներգիայի սակագնի բարձրացումից՝ նման տեսակետ հայտնեց տնտեսագետ Վահագն Խաչատրյանը:

Տնտեսագետի խոսքերով, սովորաբար ցանկացած տնտեսվարող սուբյեկտ պետք է շահագրգիռ լինի, որ իր կորուստները տարիների ընթացքում նվազեն, բայց այս կազմակերպությունը այդպիսի ցանկություն չունի:

Նշենք, որ նախնական տեղեկություններով, Հանրային ծառայությունները կարգավորող հանձնաժողովին ներկայացրած հայտով Հայաստանի էլեկտրական ցանցեր ընկերությունը առաջարկում է մեկ կիլովատի ցերեկային սակագինը 42 դրամից դարձնել 58, իսկ գիշերայինը՝ 32-ից 58 դրամ:

«Երբ նայում ենք սպառման դինամիկան, տարիներ շարունակ այդ դինամիկան պակասում է: Այս տարվա ապրիլ ամսվա վիճակագրությունը ցույց է տալիս, թե էլեկտրաէներգիայի սպառման ծավալներն ինչպես են պակասում, նախորդ տարվա համեմատ այն կազմում է 92 տոկոս, սպառումը պակասել է 8 տոկոսով: Սա նշանակում է, ինչքան գինը բարձրացնում են, այնքան սպառողը քիչ է օգտագործում: Ուզում են էլի գինը բարձրացնեն, հաջորդ տարի գան ասեն, սպառումը պակասել է, մենք կանխատեսված գումարները չենք ստացել, եկեք նորից բարձրացնենք»,-շեշտեց Վ. խաչատրյանը:

Անդրադառնալով լուծման հնարավորություններին, նշեց, որ չկա ռազմավարություն, որի բացակայությունն էլ բերել է սրան:

«Այս հարցի վերաբերյալ ես ուզում եմ լսել ոչ թե առանձին նախարարների, այլ կառավարության տեսակետը, թե ինչու կառավարությունը համապատասխան մեկնաբանություն չի տալիս՝ այս համակարգում կարգուկանոն հաստատելու համար: Սրա մեջ ես արդեն քաղաքական ենթատեքստ եմ տեսնում»,-նշեց տնտեսագետը:

Նա նաև շեշտեց, որ այս ծանրագույն վիճակում գտնվող կազմակերությունը թույլ է տալիս իրեն նաև բարգեգործություն անել, որն անում է սպառողի գրպանի հաշվին:

Նախորդող հրապարակումներ՝
Սպառողը չպիտի վճարի գողության համար. Դավիթ Հարությունյան
«Հոսանքի թանկացումն ավելի է աղքատացնելու առանց այն էլ աղքատ ժողովրդին». բողոքի ակցիա ՀԾԿՀ շենքի դիմաց

Բողոքի ակցիա կառավարության դիմաց՝ ընդդեմ էլեկտրաէներգիայի թանկացման
«Ոչ թալանին» քաղաքացիական նախաձեռնությունը հայտարարում է իրազեկման ավտոերթի մասին
Բողոքի մեծ երթ՝ ընդդեմ էլեկտրաէներգիայի թանկացման
Էլեկտրաէներգիայի հնարավոր թանկացման դեմ ՀԱԿ-ը ստորագրահավաք է նախաձեռնել ԱԺ-ում
Էլեկտրաէներգիայի թանկացման դեմ փողոցային պայքարը միակ ճնշող ճանապարհն է. Հանրային քննարկում
«Ոչ թալանին» նախաձեռնությունը կպայքարի էլեկտրաէներգիայի թանկացման դեմ
Այսօրվա հայտն ինձ համար որևէ հիմք չի կարող հանդիսանալ. Ռ.Նազարյանը՝ էլեկտրաէներգիայի սակագնի թանկացման հայտի մասին 
Դժբախտաբար, ամեն ինչ մեզանից կախված չէ. Զախարյանը՝ էլէներգիայի սակագնի մասին