Սնվելու մշակույթը պետք է սովորեցնել դեռ մանկապարտեզից. մասնագետներ
«Սխալ սնվելը հանգեցնում է մի շարք լուրջ խնդիրների: Շատ կարևոր է մթերքների համատեղելիությունը, ինչը ինչի հետ պետք է ուտել, երբ կարելի է ուտել՝ ամենառաջնայինը պահպանելով սանիտարահիգենիկ պայմանները: Կարելի է ուտել այն, ինչ ուտելի է, սակայն այսօր շատ սննդի օբյեկտներ՝ սրճարաններ, ռեստորաններ, օգտագործում են, այսպես կոչված տրանս-յուղեր, որոնք շատ մատչելի են բիզնեսի համար, միաժամանակ շատ կործանարար են»,-այսօր լրագրողների հետ հանդիման ժամանակ ասաց սննդաբան, էնդոկրինոլոգ Հասմիկ Աբովյանը:
Ըստ Հ. Աբովյանի մարդիկ երկար տարիներ սնվում են սխալ, հետո առողջական որևէ խնդրով դիմում են բժշկի՝ առանց իմանալու, որ այդ հիվանդությունը սխալ սնվելու արդյունք է:
Նա նաև նշեց, որ չեն պահպանվում անգամ սննդի անվտանգության ամենահիմնական պայմանները. «Սուպերմարկետներում, երբ գնված մթերքը դրվում է ժապավենի վրա վճարում կատարելու համար, պետք է իմանալ ինչ մթերք կարելի է դրա վրա դնել, քանի որ այդ մասը բակտերիաներով ամենալի մասն է»:
Նա շեշտեց, որ այսօր գոնե մինիմալ կերպով պետք է երեխաներին ծանոթացնել առողջ սննդակարգի հետ և դրա նշանակության մասին իրենց հետագա կյանքի համար:
Հոգաբան Նաիրա Վանյանն էլ համաձայնեց, որ սնվելու մշակույթը պետք է սովորեցնել դեռ մանկապարտեզից. «Արագ սննդի կետերի ուտելիքը այնպիսի հավելումներով ու համեմունքներով են պատրաստում, որ այդ սնունդը դրդում է մարդկանց նորից ու նորից ուտել»:
Նշենք, որ հունիսի 2-ին, նշվում է առողջ սնվելու և սննդային ավելորդություններից հրաժարվելու օրը: Այս տոնը «ծնվել է» 2011-ին որպես յուրօրինակ ռուսաստանյան պատասխան ամերիկյան տոներից մեկին, որը կոչվում է Ազգային օր, երբ կարող ես ուտել այն, ինչ ցանկանում ես: «Շատակերության օրվան» հակառակ նախաձեռնություն առաջ քաշվեց` «Սննդային ավելորդություններից հրաժարվելու օր»:
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
