«Ռուսական երկաթուղիներ». Իրան-Հայաստան երկաթուղին ռազմավարական նշանակություն ունի
««Ռուսական երկաթուղիներ» ընկերությունը Իրան-Հայաստան երկաթուղային հաղորդակցություն ստեղծելու նախագիծը կարևոր է համարում, բայց դրա իրականացումն առանց կառավարության աջակցության դժվար է»,-ըստ «Նովոստի Արմենիայի»
այսպիսի բացատրություն է տվել ընկերությունը մի շարք ԶԼՄ-ների հարցմանն ի պատասխան՝ հղում անելով Ռուսական երկաթուղիներ ԲԲԸ նախագահ նախագահ Վլադիմիր Յակունինի անարդյունավետության ծրագրին:
«Ռիա նովոստիի» «Ռուսական երկաթուղիներ»-ի աղբյուրն էլ նշել է, որ ընկերության դիրքորոշումը չի փոխվել, բայց որոշ ԶԼՄ-ներ սխալ եզրակացություններ են արել:
«Ինչպես ավելի վաղ նշվել է «Ռուսական երկաթուղիներ» ընկերությունը գտնում է, աշխարհաքաղաքական տեսանկյունից երկաթուղու շինարարության նախագիծը ռազմավարական նշանակություն ունի Հայաստանի Հանրապետության համար՝ Եվրասիական և գլոբալ տրանսպորտային համակարգի տրանսպորտային ենթակառուցվածքների ինտեգրման համատեքստում: Դրա հետ մեկտեղ հաշվի է առնվում նշանակալի ծախսերը և այսպիսի մասշտաբային նախագծի ժամկետի տևողությունը, որը տնտեսապես քիչ գրավիչ է այն դարձնում բիզնեսի համար: Դրա իրականացումն առանց կառավարության աջակցության կդժվարանա»,-ասված է ընկերության հաղորդագրության մեջ:
Նշվում է, որ ռուսական և համաշխարհային փորձը ցուց է տալիս, որ կառավարության աջակցությունը նման ռազմավարական ենթակառուցվածքային ծրագրերին զգալի ազդեցություն է ունենում՝ արդյունաբերության և տնտեսության կայուն զարգացման վրա:
2014 թվականի դեկտեմբերին «Հարավ-Կովկասյան երկաթուղու» գլխավոր տնօրեն Վիկտոր Ռեբեցը հայտարարել էր, որ «Հարավ-Կովկասյան երկաթուղին» նախատեսում է հանդես գալ Իրան-Հայաստանի երկաթգծի օպերատոր: Իրան-Հայաստանի երկաթգծի կառուցման մասին խոսակցությունները գնում են արդեն մի քանի տարի: Այն թույլ կտա հայկական կողմին այլընտրանքային ճանապարհով փոխադրումներ իրականացնել էներգառեսուրսների և այլ ապրանքների՝ ապահովելով մուտք դեպի արտաքին աշխարհ:
Հայաստանի կառավարությունը 2014-ի օգոստոսի 7-ին հաստատել էր երկաթուղու շինարարության նախնական ծրագիրը:
Նախագծի կառուցումը գնահատվել է 3,5 մլրդ դոլար, երկարությունը՝ 300 կմ, նրա ենթակառուցվածքները ներառելու են 64 կամուրջներ՝ 19,4 կիլոմետր ընդհանուր երկարությամբ, թունելների երկարությունը 60 կիլոմետր:
Նախատեսվում էր, որ շինարարությունը կավարտվի 2022-ին, իսկ բեռնափոխադրումների ծավալը մեկ տարում կկազմի 25 մլն տոննա:
Նախորդող հրապարակում՝
Հայ-իրանական երկաթուղու կարևորության հարցում ռուս պաշտոնյայի թյուրըմբռնումը
Լրահոս
Տեսանյութեր
Ուզում են երկիրը Հյուսիսային Կորեա սարքեն, մենք էլ դառնանք իրենց համբալները. Բողոքի ակցիա
