Ձեր վստահելի աղբյուրը

«Հայաստանում պրոբացիայի ծառայութան ներդրման դեպքում, եթե վարույթ իրականացնող մարմինները կամ դատարաններն ուղղակիորեն չհամագործակցեն պրոբացիայի ծառայության հետ, միջնորդություններ չներկայացնեն, այդ դեպքում այն կմնա թղթի վրա գրված ինստիտուտ և կիրականացնի միայն այլընտրանքային պատժատեսակները»,- ԵՊՀ իրավաբանության ֆակուլտետի դատական նիստերի դահլիճում պրոբացիայի ծառայության վերաբերյալ ուսանողների համար անցկացվող սեմինարում ասաց ՀՀ փաստաբանների պալատի նախագահի առաջին տեղակալ Արթուր Հովհաննիսյան:

Ըստ նրա, պրոբացիայի ծառայության ներդրման դեպքում երկրորդ հիմնական ռիսկը հանցագործությունների թվի ավելացումն է. «Հանցագործություն կատարող անձիք պրոբացիայի ծառայությունը դիտարկելով որպես անպատժելիության միջոց, կարող են կրկին դիմել հանցագործության: Նրանք կարող են այդպես մտածել մինչև պրոբացիայի ծառայության՝ նրանց հետ աշխատանք սկսել, մինչև նրանց մոտ կձևավորվի այն համոզմունքը, որ պրոբացիան նույնպես պատիժ է»:

Ա. Հովհաննիսյանը սեմիանարին ներկա ուսանողներին ներկայացրեց, թե ինչու անհրաժեշտություն եղավ Հայաստանում ներդնել պրոբացիայի ծառայությունը:

Ըստ նրա, անձին ազատազրկելով, չի բացառվում, որ նա ազատվելուց հետո կրկն հանացագործության չդիմի: Իսկ միջին ծանրության հանցանք կատարած անձին ուղարկելով ազատազրկման վայր, որտեղ մի քանի տարի կարող է շփվել ավելի ծանր հանցաք կատարած անձանց հետ, ըստ նրա, չի բացառվում, որ ազատվելուց հետո նորից չկատարի հանցագործություն:

«Սա պետք է բացառել: Բացառելու համար Եվրոպան ունի լավագույն փորձ՝ պրոբացիա, երբ հանցագործն իր պատիժը կրում է հասարակությունում: Այդպես հնարավոր է վերականգնել հարաբերությունները տուժողի հետ, ընտանիքից ու աշխատանքից չկտրել, կարողանում է նաև փոխհատուցել հասցրած վնասը: Այսօրվա գործող համակարգում, երբ հանցագործը հայտնվում է ուղղիչ հիմնարկում, որևէ շահագրգռվածություն չի ունենում փոխհատուցել վնասը»,-ասաց նա:

Ա. Հովհաննիսյանի խոսքով, պրոբացիայի ծառայությունը պետք է դիտարկել որպես հումանիտար կառույց, ոչ թե ուժային: Ծառայությունում կաշխատեն սոցիալական աշխատողներ, իրավաբաններ, հոգեբաններ: Ըստ նրա, նախատեսվում է, որ պրոբացիայի ծառայությունն ունենալու է ավելի քան 200 աշխատող: Գործելու է արդարադատության համակարգում որպես առանձին ստորաբաժանում:

Նախատեսվում է, որ Հայաստանում 2016 թվականից պրոբացիայի ծառայությունը սկսկի գործել:
Հիշեցնենք, որ ծրագիրը իրականացվում է Եվրոպայի խորհրդի կողմից, Նորվեգիայի կառավարության ֆինանսավորմամբ:

Նախորդող հրապարակումներ՝

Պրոբացիայի ծառայության ներդրման դեպքում կոռուպցիոն ռիսկերից խուսափելու հիմնական եղանակն՝ ըստ փորձագետի
Միջազգային փորձագետ. Բանտ ուղարկելը հարցի լուծում չէ
ՀՀ-ում ազատազրկումը որպես պատժատեսակ շատ է կիրառվում. Ս. Քրմոյան
Քրեական արդարադատության դերակատարները կդիմե՞ն, թե՞ չեն դիմի պրոբացիայի ծառայությանը. փորձագետ (տեսանյութ)
«Փորձելու ենք պրոբացիոն ծառայությունը ներդնել փուլային ճանապարհով»
Կառավարությունը հավանություն է տվել ՀՀ-ում պրոբացիոն ծառայության ներդրման հայեցակարգին
ԵԽ-ն շարունակելու է աջակցել պրոբացիոն ծառայության ոլորտում՝ հայաստանցի գործընկերներին. ԵԽ ներկայացուցիչ
Պրոբացիայի ծառայություն. Ի՞նչ խնդիրներ է լուծելու և ինչպե՞ս կընդունվի
Քրմոյան. Մինչև 2016 թ. սկիզբը պրոբացիոն ծառայությունն ամբողջությամբ կգործի (Տեսանյութ)
Վարչապետ. Մեծապես կարևորում եմ պրոբացիոն ծառայության ներդրումը
Պրոբացիոն ծառայության ներդրմանը վերաբերող օրենսդրական փաթեթը շուտով կներկայացվի կառավարություն
Պրոբացիոն ծառայությունը որպեսզի աշխատի, պետք է դատավորները մի փոքր փոխեն իրենց մտածելակերպը. Լ. Ավետիսյան
Հովհաննես Մանուկյան. ՀՀ-ում պրոբացիոն ծառայություն կներդրվի 2015-ի վերջին կամ 2016-ի սկզբին