Ձեր վստահելի աղբյուրը

Այսօր Հանրային ծառայությունները կարգավորող հանձնաժողովի (ՀԾԿՀ) նիստում, մինչև սակագնի բարձրացման մասին որոշման քվեարկությունը, ՀԾԿՀ նախագահ Ռոբերտ Նազարյանը ընթերցեց «Հայաստանի էլեկտրական ցանցեր» փակ բաժնետիրական ընկերության ղեկավար Եվգենի Բիբինի նամակը: Նազարյանը նախ ասաց, որ Բիբինն իր ինն էջանոց նամակում փորձել է համոզել, ապացուցել, որ չհիմնավորված է ՀԾԿՀ-ի որոշումը` սակագինը 6.93 դրամով բարձրացնելու մասին, այնուհետև ընթերցեց նամակից մի պատառիկ.

«ՀԾԿՀ հանձնաժողովի որոշման նախագիծը հաստատվելու դեպքում ընկերությունը չի կարող երաշխավորել մատակարարվող էլեկտրաէներգիայի որակին և հուսալիությանը ներկայացվող անհրաժեշտ պահանջների բավարարումը, ինչպես նաև ապահովել մատուցվող ծառայության որակին ու բարելամանն ու պահպանմանն ուղղված անհրաժեշտ ծավալի ներդրումների իրականացումը: Վերը նշվածի առնչությամբ սակագնի հաստատումից հետո ընկերությունը կդիմի հանձնաժողովին ստեղծված իրավիճակում լիցենզավորված գործունեության իրականացման հնարավորությունը քննարկելու նպատակով:

Միաժամանակ, ցանկանում ենք ընդգծել, որ նման մոտեցման դեպքում երբ սակագնում անտեսվում է տնտեսապես հիմնավորված ծախսերի գերակշիռ մասը, ընկերությունը հորդորում է հանձնաժողովին ուշադրություն դարձնել կայացված որոշման կարևորությանը և դրանից բխող պատասխանատվությանը, քանի որ այս պարագայում ընկերությունը հայտարարում է իր պարտականությունների անհրաժեշտ ծավալով կատարման անհնարինության մասին»:

Թեմային առնչվող`
Մենք էլ ենք վիրավորված Բիբինից. Նազարյան (տեսանյութ)
Սա աննախադեպ երևույթ է. Նազարյանը՝ նիստին Բիբինի չմասնակցելու մասին (տեսանյութ)
Հայաստանում օգոստոսի 1-ից կբարձրանա էլեկտրաէներգիայի սակագինը (Լուսանկարներ)
Մեզ չեն վստահում. Խոստովանում է Ռոբերտ Նազարյանը (Տեսանյութ)