Նստացույցը շարունակվում է. «Չկան այդ հինգ հոգին, որոնք բոլորի վստահությանն են արժանացել»
Բաղրամյան պողոտայի սկզբնամասում շարունակվում է էլեկտրաէներգիայի սակագնի թանկացման որոշումը չեղյալ հայտարարելու պահանջով նստացույցը: Մասնակիցներից Մաքսիմ Սարգսյանը հայտարարեց, որ նստացույցին արդեն միացել են Գյումրիից, մեքենաներով գալիս են նաև այլ քաղաքներից: Նրա խոսքով, իրենց հասած տեղեկությունների համաձայն որոշ ճանապարհներ փակ են:
Նշենք, որ տարածքային կառավարման և արտակարգ իրավիճակների նախարարության ճգնաժամային կառավարման ազգային կենտրոնից հաղորդում են, որ բաց են և բնականոն գործում են հանրապետության բոլոր ավտոճանապարհները:
Երևանի փոխոստիկանապետ Վալերի Օսիպյանը հայտարարեց, որ համապատասխան օրենքով ժամը 23:00-ից հետո բնակելի վայրերում չի թույլատրվում աղմկել: Նա ևս մեկ անգամ հորդորեց՝ կազմել 4-5 հոգանոց խումբ, որին Հանրապետության նախագահը պատրաստ է ընդունել: Ակցիայի մասնակիցներն ասացին, որ չկան այդ հինգը, որոնք բոլորի վստահությանն են արժանացել և որոնք կկարողանան հաղորդել բոլորի պահանջը:
Հիշեցնենք, որ հունիսի 19-ից «Ոչ թալանին» նախաձեռնության անդամները և նրանց միացած քաղաքացիները նստացույց էին անում Ազատության հրապարակում: Նրանք իշխանություններին վերջնաժամկետ էին տվել՝ մինչև այսօր ժամը 19:00-ն կասեցնել օգոստոսի 1-ից ուժի մեջ մտնող էլեկտրաէներգիայի սակագնի թանկացման մասին որոշումը, այլապես երթով կշարժվեն նախագահական նստավայր: Նրանք սկսեցին երթը, սակայն Բաղրամյան պողոտայի սկզբանամասում ոստիկանությունը կանգնեցրեց նրանք: Երթի մասնակիցները նստացույց սկսեցին:
Նախորդող հրապարակումներ՝
Ինձ մտահոգում է, որ մարդկանց քանակն է քիչ. Բագրատ եպիսկոպոս Գալստանյան
Ոստիկանությունը ցանկություն չունի Ձեզ հետ բախման գնալ. Օսիպյանը՝ ցուցարարներին
«Թող իմանան մենք չենք դառնա խաղալիք». Ցուցարարները նաև երգում են
Երթի մասնակիցները նստել են Բաղրամյան պողոտայում
Ոստիկանությունը զգուշացնում է՝ իրավասու է իրավախախտների նկատմամբ կիրառել ֆիզիկական ուժ և հատուկ միջոցներ
Երթի մասնակիցներին առաջարկեցին խումբ կազմել, որին կընդունի ՀՀ նախագահը
Դեպի նախագահական երթը մեկնարկեց
Վալերի Օսիպյանը՝ «Ո՛չ թալանին» նախաձեռնությանը. «Ոստիկանությունը թույլ չի տալու երթ անել»
«Ձեր գործողությունները անօրինական են դիտվելու» . Վ. Օսիպյանը՝ նստացույցի մասին
Րաֆֆի Հովհաննիսյանը «Ազատության» հրապարակում է
«Ոչ թալանին» քաղաքացիական նախաձեռնությունը եռօրյա նստացույց է սկսում
«Մեր պայքարը ոչ թե ընդդեմ է, այլ հանուն»
«Ազատության» հրապարակում մեկնարկել է էլեկտրաէներգիայի թանկացման դեմ բողոքի ակցիան
Էլեկտրաէներգիայի թանկացման դեմ հաջորդ հավաքը հունիսի 19-ին է. Իսպիրյանը դեմ է (լուսանկարներ)
Լրահոս
Տեսանյութեր
Հակազդեցություն չկա, դրա համար էլ Ադրբեջանը հասնում է հաջողության. Իշխանյան
