Ձեր վստահելի աղբյուրը

«Ցուցարարներն առաջնորդ չունեցան և ես չգիտեմ, թե ինչու քաղաքական ուժերն այնտեղ չէին»,- այս մասին այսօր խորհրդարանում լրագրողների հետ զրույցում ասաց ՀՀԿ փոխնախագահ Արմեն Աշոտյանը` անդրադառնալով Բաղրամյան պողոտայում տեղի ունեցած իրադարձություններին:

«Ցավում եմ, որ եղան տուժածներ, այդ թվում` լրագրողներ: Լրագրողների աշխատանքը ծանր աշխատանք է` լինել իրադարձությունների էպիկենտրոնում և փորձել այնտեղից տալ օպերատիվ լրահոս: Միշտ չէ, որ դա անվտանգ է: Բոլորին մաղթում եմ շուտափույթ առողջություն»,- նշեց Ա.Աշոտյանը:

Նա միևնույն ժամանակ ասաց, որ ոստիկանությունը բարձր մակարդակով գործողություն է իրականացրել և մինչև այդ շատ համբերատար աշխատել է երիտասարդների հետ. «Ուրախ եմ, որ ունենք այսպիսի երիտասարդություն և արհեստավարժ գործող ոստիկաններ»:

Նրա խոսքերով՝ հպարտություն է զգում Հայաստանի երիտասարդության համար, որ պայքարում է իր քաղաքացիական պարտքի զգացումով, ինչպես նաև հպարտություն է զգում ոստիկանների համար, որ բավականին «արհեստավարժ, եվրոպական չափանիշներով գործողություններ է իրականացրել»:

«Որպեսզի այս երկուսը մեր երկրում չբախվեն, պետք է բոլոր կողմերը առաջնորդվեն բացառապես օրենքով»,- նշեց Ա.Աշոտյանը և հավելեց. «Որպես արդյունք` արյունոտ Հայաստանում չենք արթնացել այսօր: Այդ երիտասարդների ճնշող մեծամասնությունն ինձ վրա շատ արդար և ազատ մարդկանց տպավորություն թողեցին»:

ՀՀԿ փոխնախագահը ցավով նկատեց, որ ցուցարարները  այդպես էլ չկարողացան ընտրել ճանապարհ, որպեսզի այդ ցասումը ինստիտուտցիոնալ դարձնեն. «Նրանք առաջնորդ չունեցան: Եվ ես չգիտեմ, թե ինչու քաղաքական ուժերն այնտեղ չէին»:

Ըստ նրա՝ ցուցարարները երկու ռազմավարական սխալ են թույլ տվել: Նախ, երբ մերժել են ՀՀ նախագահի հանդիպման առաջարկությունը. «Հայաստանի քսանհինգամյա պատմության ընթացքում որևէ նախագահ, որևէ ցույցի մասնակիցներին իր մոտ` Բաղրամյան նստավայր չի հրավիրել: Սա քաղաքական մշակույթի տեսակետից աննախադեպ էր և կարող էր նաև լավ զարգացում ստանալ, եթե քաղաքացիները վստահեին հինգ հոգու և այդ երկխոսությունը երկրի նախագահի ու երիտասարդության միջև կայանար»:

Աշոտյանի խոսքով, մյուս սխալը մարտավարական էր` չընդունել ոստիկանության կոչը և չվերադառնալ Ազատության հրապարակ. «Այնուհանդերձ պետք է ասեմ, որ առավոտյան հետևելով լրահոսին ես սփոփվեցի, որ արյուն չկար և մենք արթնացանք ոչ արյունոտ Հայաստանում»:

Նախորդող հրապարակումներ՝
Գալուստ Սահակյանը անջատեց Փաշինյանի խոսափողը
Բաղրամյան պողոտայում գործի է դրվել ջրցան մեքենան
ՀԱԿ-ը լքեց ԱԺ նիստերի դահլիճըԲաղրամյան փողոցում կատարվածի հետքերով ԱԺ նախագահի մոտ քննարկում կկայանա
ՀԱԿ-ը լքեց ԱԺ նիստերի դահլիճը