Ձեր վստահելի աղբյուրը

Մոսկվայի քաղաքային դատարանը մինչև սեպտեմբերի 15-ը երկարաձգել հայազգի գործարար Լևոն Հայրապետյանի տնային կալանքի ժամկետը: Այս մասին գրում է ՏԱՍՍ-ը: Դատարանն իր որոշմամբ մերժել է պաշտպանական կողմի խնդրանքը՝ գրավի դիմաց կամ ներկայանալու պարտավորությամբ ազատ արձակել Հայրապետյանին այն պատճառաբանությամբ, որ պաշտպանյալի ինքնազգացողությունը վատ է և անհրաժեշտ է բժիշկների մշտական հսկողություն:

Քննությունը խնդրել էր երկարաձգել Հայրապետյանի կալանքի ժամկետը՝ նշելով, որ գործի ոչ բոլոր մասնակիցներն են ավարտել գործի նյութերին ծանոթությունը: Իր հերթին, դատախազն էլ նշել է, որ Հայրապետյանն արտասահմանում անշարժ գույք ունի, Ռուսաստանի և Հայաստանի երկքաղաքացիություն,  կարող է թաքնվել քննությունից և դատարանից, ինչպես նաև խափանման միջոցը փոխելու դեպքում կարող է ԶԼՄ-ներով քրեական գործի հետաքննության հետ կապված ակցիաներ իրականացնել՝ այդպիսով վարկաբեկելով քննությունը:

Հայրապետյանի փաստաբանը չի համաձայնվել ներկայացված փաստարկների հետ, հայտարարել է, որ այժմ Հայրապետյանը անձնագիր չունի, հետևաբար չի կարող թաքնվել:

Հայազգի գործարար Լևոն Հայրապետյանին 2014 թ. հուլիսի 24-ին ՌԴ քննչական կոմիտեն մեղադրանք էր առաջադրել ՌԴ Քրեական օրենսգրքի 160 (յուրացում և վատնում) ու 174 (փողերի լվացում) հոդվածների հատկանիշներով: Մոսկվայի Բասմանյան դատարանը ավելի վաղ բավարարել էր Լևոն Հայրապետյանի նկատմամբ որպես խափանման միջոց կալանքն ընտրելու մասին նախաքննական մարմնի միջնորդությունը: Դատարանը կալանքի մասին որոշումը հիմնավորել էր նրանով, որ ազատության մեջ Հայրապետյանը կարող է օգտագործել իր կապերը ու թաքնվել նախաքննությունից:

Բացի այդ, նշված քրեական գործի շրջանակներում դատարանը կալանքի տակ է դրել «Բաշնեֆթի» ակցիաների վրա, որոնց արժեքը անցնում է 300 մլն ռուբլին: Հայրապետյանը չի ընդունում իր նկատմամբ առաջադրված մեղադրանքը և հերքում է դրանք: Հոկտեմբերի սկզբին Մոսկվայի Բասմանյան դատարանը Լևոն Հայրապետյանի խափանման միջոցը փոխելու էր՝  նշանակելով տնային կալանք:

Նախորդող հրապարակումներ՝

Դատարանը որոշել է, որ Լևոն Հայրապետյանի տնային կալանքն օրինական է
Դատարանը քննելու է Լևոն Հայրապետյանի տնային կալանքի ժամկետը երկարաձգելու հարցը
Լևոն Հայրապետյանի փաստաբանը բողոքարկել է տնային կալանքը երկարաձգելու դատարանի որոշումը
Լևոն Հայրապետյանի խափանման միջոցը փոխարինվեց տնային կալանքով
Լևոն Հայրապետյանի գործով ՀՀ ՄԻՊ գրասենյակը սպասում է ՌԴ ՄԻՊ-ի դիրքորոշմանը
Գործարար Լևոն Հայրապետյանը կրկին տեղափոխել են մեկուսարան
Լևոն Հայրապետյանին տեղափոխել են քաղաքացիական հիվանդանոց
Լևոն Հայրապետյանը շարունակում է մնալ կալանավորված Դատական նիստի ժամանակ Լևոն Հայրապետյանի ինքնազգացողությունը վատացել է
Վլադիմիր Պուտինը Սերժ Սարգսյանին խոստացել է ուսումնասիրել Լևոն Հայրապետյանի հարցը
«Ի պաշտպանություն Լևոն Հայրապետյանի» երթի մասնակիցները նամակներ հանձնեցին պետական մարմիններին (տեսանյութ)
«Ժառանգություն». Լ. Հայրապետյանի նկատմամբ առաջադրված մեղադրանքն ունի քաղաքական ենթատեքստ