Ձեր վստահելի աղբյուրը

Երբեք այս խնդրին կողքից չենք նայել, վարչապետն էլ պատրաստակամ է, որպեսզի այս բնակիչների խնդիրը շուտափույթ լուծում ստանա: Այս մասին այսօր լրագրողների հետ զրույցում ասաց ՀՀ քաղաքաշինության նախարար Նարեկ Սարգսյանը՝ անդրադառնալով իրացման գոտի ճանաչված Երևանի 33-րդ թաղամասի (Ֆիրդուս) բնակիչների բողոքին:

Հիշեցնենք, որ այսօր կառավարության շենքի մոտ բնակիչները բողոքի ակցիայի են կազմակերպել՝ կառավարությունից պահանջելով իրենց բնակարանների դիմաց փոխհատուցում տալ:

Նարեկ Սարգսյանի խոսքերով՝ այս խնդիրը հին պատմություն ունի, վերջին մեկ տարվա ընթացքում զգալի աշխատանքներն են տարվել, վարչապետն է ընդունել, քարտեզ է մշակվել, թաղամասի նախագիծն է մշակվել, բացի այդ, կառավարությունը մի քանի որոշում է ընդունել: «Հիմա ժամկետների առումով, մասնավորապես, փոխհատուցումների և բնակարանների վկայականների մասով, ուշացում է եղել: Սակայն խնդիրը բարդ էր, փաստաթղթային ահռելի դժվարություններ կային: Բնակիչների վրդովմունքը նրանում է, որ խոստացված ժամկետներում դա չի իրականացվել: Սակայն թե վարչապետը, թե կառավարությունը պատրաստակամ է, երբեք այս խնդրին կողքից չենք նայել, անպայման լուծում կտրվի»,- ասաց Ն.Սարգսյանը:

Նշենք, որ այս տարածքի կառուցապատողը «Գլենդել հիլզ» ընկերությունն է, որն էլ պարտավորվել է Ֆիդուս թաղամասի բնակիչներին տներով ապահովել. բնակիչների մի մասին պետք է բնակարաններ հատկացվեին Գինու գործարանին հարակից տարածքում, իսկ մյուս մասի համար 33-րդ թաղամասում պետք է նոր շենք կառուցվեր: Բնակիչների խոսքերով՝ Գինու գործարանի մոտ կառուցված շենքերում ընդամենը 10 բնակիչ է ապահովվել բնակարանով: 1 քմ համար կառուցապատողն առաջարկում է 1000 ԱՄՆ դոլար:

Բնակիչներն ասաց, որ պայմանագրի համաձայն առաջին փուլում պետք է փոխհատուցեին 36-40 քմ տարածքի համար, երկրորդ փուլում՝ 40-50 քմ-ի, երրորդ փուլում՝ 50 քմ-ից ավելի տարածքի համար: Ըստ ժամանակացույցի՝ առաջին փուլը պետք է լիներ ապրիլից հունիս ընկած ժամանակահատվածում, սակայն հետո ժամկետը հետաձգվել է մինչև հուլիս, բայց մինչ օրս բնակարանների հարցը չի լուծվում:

Բնակիչներից մեկն ասաց, որ արդեն վեց ամիս է նույնիսկ իր տան վարձը չեն փոխհատուցում՝ պատճառաբանելով, որ գումարը քիչ է եղել, դրա համար գումար չեն տալիս:

Նշենք, որ վարչապետ Հովիկ Աբրահամյանը երկուշաբթի ժամը 18:00-ին պատրաստ է ընդունել ու լսել նրանց:

վարչապետ Հովիկ Աբրահամյանը երկուշաբթի ժամը 18:00-ին պատրաստ է ընդունել ու լսել Երևանի 33-րդ թաղամասի բնակիչներին:

Նախորդող հրապարակում՝
Նարեկ Սարգսյանը՝ բողոքող բնակիչներին. Վարչապետը երկուշաբթի ձեզ կսպասի
«Արդեն կապրիզ եք անում». Կառավարության պաշտոնյան՝ ցուցարարներին
Ցուցարարները փակեցին դեպի Հանրապետության հրապարակ տանող ճանապարհը
Ֆիրդուսիի նախկին բնակիչներ. Եթե հարցին լուծում չտրվի, կգնանք Բաղրամյան մեր մահճակալներով