Ձեր վստահելի աղբյուրը

«Լոռի բերդ» քաղաքատեղի» պատմամշակութային արգելոցի տարածքում գտնվող  երկու հուշարձան՝ բաղնիքի շենքը և եկեղեցին,  խիստ վտանգված են: Այս մասին ահազանգել է արգելոցի մասնաճյուղի վարիչը «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի ՊՄՊ մարզային ծառայությունների, արգելոցների և արգելոց թանգարանների այս տարվա վեց ամիսների հաշվետվությունները ներկայացնելիս: Տեղեկանում ենք ՊՈԱԿ-ի պաշտոնական կայքից:

Ըստ հաշվետվության, «Գոշավանք» պատմաճարտարապետական թանգարանի շենք կառուցելու համար ՊՈԱԿ-ը գնել է շուրջ 220 ք/մ հողատարածք, որի համար պատվիրվել է նախագծա-նախահաշվային փաստաթուղթ:

3560 թանգարանային նմուշ ունեցող «Դիլիջան» ժողովրդական ճարտարապետության արգելոց-թանգարանը շենքային պայմանների լուրջ խնդիր ունի:

Գեղարքունիքի մարզում  մեկ հուշարձան վերականգնվել է, բարեկարգվել ու մաքրվել է 30 հուշարձանի տարածք: Արարատի մարզում պեղումներ, վերականգնման, նորոգման, ամրակայման աշխատանքներ են կատարվել: ՊՄՊ Երևանի մարզային ծառայությունն արձանագրել է «ՀՀ պետական սեփականություն համարվող և օտարման ոչ ենթակա պատմության և մշակույթի անշարժ հուշարձանների պետական ցուցակի» հետ անճշտության 17 դեպք:

Արագածոտնի ՊՄՊ մարզային ծառայության պետն անդրադարձել է մի խնդրի, որն առկա է գրեթե բոլոր մարզերում՝ պահպանական գոտիների բացակայությանը, ինչն էլ հաճախ ոչ միայն իրավախախտումների պատճառ է դառնում, այլև խնդիրներ ստեղծում՝ դրանք արձանագրելու և շտկելու գործում: Իրավախախտման և չհամաձայնեցված այլ բնույթի 11 դեպք է արձանագրվել Կոտայքի մարզում:

Նախորդող հրապարակում՝
Հայաստանում վտանգված հուշարձանների թիվն ավելացել է