Ռուսաստանցի գործարար Գերման Ստերլիգովը նշել է Լեռնային Ղարաբաղի տնտեսության զարգացման ուղիները
Ռուս գործարար միլիարդատեր Գերման Ստերլիգովը Արցախի համար ամենաարագ եկամտի ուղիների մասին խոսել է ԼՂՀ-ում կայացած ասուլիսի ժամանակ և առաջարկել է ԼՂՀ-ում շրջանառության մեջ դնել ոսկյա և արծաթյա մետաղադրամներ:
Նրա խոսքով ԼՂՀ-ն ունի անհրաժեշտ բաղադրիչները տվյալ ծրագրի իրականացման համար՝ ոսկու պաշարներ միջազգային բանկերի և ԱՄՆ ֆինանսական պահուստային համակարգի» սահմանափակումների բացակայություն: Բացի այդ, ըստ բիզնեսմենի, այս նախագծի իրականացմանը կնպաստի հայկական սփյուռքը, որը կարող է «օգտագործել ոսկյա և արծաթյա մետաղադրամները որպես ներքին հաշվարկային միավոր սփյուռքի ներկայացուցիչների համար»:
Ստերլիգովը նաև նշել է. «Ղարաբաղի համար ամենաարագ շահույթը կտան դրամագետները, որոնց թիվն աշխարհում հասնում է 6 միլիոնի, այդ թվում ավելի քան 600 հազարը պրոֆեսիոնալներ են: Այսպիսով հիմք ընդունելով միայն պրոֆեսիոնալներին, ապա Ղարաբաղին երաշխավորված է հատել 24-75 միլիոն ոսկյա և արծաթյա դրամներ առաջին կիսամյակի համար ԼՂՀ նախագահի ոսկյա դրամներ ստեղծելու մասին որոշումից հետո»:
Գործարարը նաև առաջարկել է Արցախում ստեղծել աշխարհում առաջին էկոլոգիական օֆշորը: Ստերլիգովի խոսքով, ԼՂՀ նախագահը այդ նպատակով կարող է կայացնել 3 որոշում, մասնավորապես՝ պլաստիկե տոպրակների և տարաների վաճառքի արգելքի, ամբողջովին անցում կատարել քիմիական լվացող միջոցներից բնական լվացող միջոցների, ոչպեսզի առուներն ու գետերը չթունավորվեն, ինչպես նաև արգելել քիմիական պարարտանյութերի օգտագործումը:
«Առաջարկում եմ արդեն այժմ ավելացնել Ղարաբաղից Ռուսաստան արտահանվող ապրանքների քանակը, ստեղծել ռուս-ղարաբաղյան առևտրի տուն և արտահանել միայն բնական մթերքներ առանց քիմիայի և ԳՄՕ-ների»,- հավելել է Գ.Ստերլիգովը:
Հիշեցնենք, որ ռուս էքսցենտրիկ գործարար, հայտնի ֆերմեր, «Ալիսա» բորսայի հիմնադիր Գերման Ստերլիգովը Ռուսաստանը լքել է և վաճառում է ունեցվածքը: Ինչպես ավելի վաղ «Ռուսական նորություների ծառայությանը» հայտնել է Ստերլիգովի օգնականը Պոլինա Սիրոտան ֆերմերը ընտանիքով մեկնել է Լեռնային Ղարաբաղ 2015թ.-ի հուլիսի 4-ին: «Վեստի.ազ» լրատվական գործակալության փոխանցման համաձայն Գերման Ստերլիգովի կմտնի Ադրբեջանի ԱԳՆ-ի «սև ցուցակի» մեջ, ինչին Ստերլիգովի փաստաբանը պատասխանել է, որ գործարարը այդ քայլին գիտակցաբար է գնացել և հավելել է՝ «Կարծում եմ նրա համար դա միևնույնն է»:
Նախորդող`
Մի քանի օրից Ստերլիգովը կվերադառնա Ռուսաստան (տեսանյութ)
Ստերլիգովը հերքել է տեղեկությունները, թե ՌԴ-ում իրեն 15 տարվա ազատազրկում է սպառնում (Տեսանյութ)
Ստերլիգովն ասուլիսի եկավ ձիով (Լուսանկար)
Ստերլիգովի կինը ծրագրում է նորաձևության ցուցադրություն կազմակերպել հենց արցախյան լեռներում
Լրահոս
Տեսանյութեր
Օր չկա, որ մենք փողոցում չտեսնենք բողոքի դուրս եկած տարբեր խմբեր. Բագրատ Սրբազան
