Սելեկտիվ աբորտների դեմ պայքարին ուղղված ծրագրերի արդյունքն ակնառու կլինի 1-2 տարի անց. Գ.Ավագյան
«Սեռով պայմանավորված աբորտները 3 հիմնական պատճառով են առաջացել. նախ, երբ մարդիկ փոքր թվով երեխաներ են ունենում, այդ դեպքում ուզում են՝ երեխաները լինեն տարբեր սեռերի կամ անպայման՝ տղա։ Երկրորդ պատճառը՝ մեր ընտանիքներում ի վերուստ տղա երեխայի նկատմամբ նախապատվությունն է, և երրորդ պատճառը տեխնոլոգիաներն են (էխոսկոպիա և այլն)»,-ՀՀ նախագահի աշխատակազմից տրամադրվող և Հայաստանի երիտասարդական հիմնադրամի կողմից կազմակերպվող դրամաշնորհների մրցույթի հանձնաժողովի այսօրվա նիստում ասել է մրցութային հանձնաժողովի անդամ, առողջապահության նախարարության մոր և մանկան առողջության պահպանման վարչության մայրական և վերարտադրողական առողջության պահպանման բաժնի պետ Գայանե Ավագյանը:
Հայաստանի երիտասարդական հիմնադրամի հասարակայնության հետ կապերի ծառայությունից հայտնում են, որ այսօրվա նիստում քննարկվել են «Վերարտադրողական առողջություն. պտղի սեռով պայմանավորված աբորտների կանխարգելում» անվանակարգում ներկայացված հայտերը։
Գայանե Ավագյանը ողջունել և կարևորել է ՀՀ Նախագահի աշխատակազմից հատկացվող դրամաշնորհային մրցույթում պտղի սեռով պայմանավորված աբորտների դեմ պայքարին ուղղված անվանակարգի սահմանումը։ Գ Ավագյանը նշել է, որ այս ոլորտում իրականացվող ծրագրերի արդյունքը կարող ենք տեսնել 1-2 տարի անց։ Ընդ որում, որոշակի դրական տեղաշարժ արդեն իսկ կա. եթե 2012թ. աղջիկ-տղա հարաբերակցությունը 100-115 էր, ապա այժմ այդ թիվը դարձել է 100-112։ Նա նաև նշում է, որ նման ծրագրերը, հանրային ակցիաները կարող են փոխել մարդկանց վերաբերմունքը։
Գայանե Ավագյանը նշել է, որ այս խնդիրը լուծելու համար հանդես են եկել օրենսդրական նախաձեռնությամբ։
Առողջապահության նախարարությունը պտղի սեռով պայմանավորված աբորտների կանխարգելման ազգային ծրագիր և ռամավարություն է իրականացնելու ՀՀ աշխատանքի և սոցիալական ապահովության նախարարության հետ համատեղ՝ միջազգային և տեղական հասարակական կազմակերպությունների աջակցությամբ։
Պտղի սեռով պայմանավորված աբորտների հիմնականում դիմում են Չինաստանում, Հնդկաստանում, Վիետնամում, Հայաստանում, Վրաստանում, Ադրբեջանում, Ալբանիայում, և բոլոր դեպքերում նախապատվությունը տրվում է տղա երեխային։
Առաջիկա օրերին կհայտարարվեն ՀՀ Նախագահի աշխատակազմի կողմից հատկացվող դրամաշնորհային հերթական մրցույթի հաղթող ՀԿ-ների անունները։
Լրահոս
Տեսանյութեր
Բերվել են բոլոր հակափաստարկները. ԱՆ փոխնախարարը՝ արցախցիների ընտրելու իրավունքի մասին
