Ձեր վստահելի աղբյուրը

Այժմ ՎիվաՍել-ՄՏՍ-ի «Խոսում է քաղաքը» հետվճարային սակագնային պլանի բաժանորդները հնարավորություն ունեն օգտվելու նոր՝ «Արագ» ծառայությունից, որը թույլ է տալիս բջջային հեռախոսի միջոցով նախաձեռնելու անցում` «Անձնական» սակագնային պլանին: Այս մասին հայտնում են ընկերության մամուլի ծառայությունից: 

Դրա համար պարզապես անհրաժեշտ է ներկայացնել սակագնային պլանը փոխելու հայտ՝ բջջային հեռախոսից հավաքելով *198# և հետևելով հուշումներին:

Հայտը ներկայացնելուց հետո բաժանորդի հեռախոսահամարը հայտնվում է համապատասխան ցանկում և անցման գործընթացը հաջողությամբ ավարտելու դեպքում անցումն «Անձնական» սակագնային պլանին իրականացվում է հաջորդ ամսվա առաջին օրը:

Անցումը դադարեցնելու համար ևս պարզապես պետք է մուտք գործել *198# հրահանգների մենյու և ընտրել հրահանգը:

Ծառայությունն անվճար է:

Մանրամասն տեղեկություններ ստանալու համար կարելի է օգտվել www.mts.am կայքից կամ pda.mts.am բջջային կայքից, զանգահարել 111 անվճար հեռախոսահամարով, հաղորդակցվել  «111 օնլայն» պորտալի միջոցով, կամ այցելել ընկերության սպասարկման կենտրոններից որևէ մեկը: