Ձեր վստահելի աղբյուրը

«Նաիրիտ» գործարանի աշխատակիցները հույս ունեն, որ մինչև այս օրվա վերջ փոխանցում կլինի նաև աշխատավարձ չստացած 600 գործընկերների հաշվեհամարներին: Այսօր առավոտյան նրանք կառավարության շենքի դիմաց են եղել, վաղն էլ կհավաքվեն այնտեղ, եթե փոխանցումը չլինի: Ուրբաթ օրը ժամը 8-ից հետո 900 նաիրիտցի ստացել է աշխատավարձը, այս պահին աշխատավարձ ստացածների թիվը 1800 է:

Նաիրիտցիների բողոքի ակցիաները համակարգող խմբի անդամ Անուշ Հարությունյանը Panorama.am-ի հետ զրույցում ասաց, որ աշխատավարձերի վճարումը համարում են իրենց երկարատև պայքարի արդյունքում ձեռք բերած հաղթանակ: Սակայն դրանով չեն բավարարվելու: Սեպտեմբերից մտադիր են վերսկսել ակցիաները, այս անգամ նոր պահանջով՝ «Նաիրիտ»-ի վերագործարկում:

Հարությունյանի խոսքով, գործարանի վերագործարկումը հնարավոր է ընդամենը 50-60 մլն դոլարով: Ասում է, մասնագետներն են հաշվարկը կատարել, ներկայացրել են կառավարությանն ու Ազգային Ժողովին:

«Վերագործարկման պահանջով ակցիաներ անցկացնելու պոտենցիալը մենք ունենք: Եթե տեսնենք, որ մարդիկ հիասթափված են, չեն գալիս, մենք մենակ ենք մնում, բնականաբար, մենք էլ կդադարեցնենք ակցիաները: Չգիտեմ, երևի մի ծաղկոց գարուն գալիս է, ուղղակի պետք է պայքարել դրա համար»,-ասաց նա:

Հարությունյանը հստակ չգիտի, թե «Նաիրիտ»-ի կանգնելուց հետո այնտեղ աշխատած քաղաքացիներից քանիսն են աշխատանք գտել, ասում է, մի քանի տասնյակ մարդ լքել է Հայաստանը, կան մարդիկ էլ, որ մինչ այս պահը աշխատանք չեն գտել, սպասում են աշխատավարձին. «Գիտեմ, որ «Նաիրիտ»-ի գործարկումը օրախնդիր հարց է»:

Նախորդող հրապարակումներ՝
«Անբարոյական համարեցի` 20 հոգին նստացույց անի, 1700-ը փող ստանա». Նաիրիտցիները տուն են գնացել
Նաիրիտցիներն անժամկետ նստացույց են հայտարարել
«Նաիրիտի» աշխատողների աշխատավարձերը ամբողջությամբ կվճարվեն մոտակա օրերին. Զախարյան
«Նաիրիտի» շուրջ 400-450 աշխատակից արդեն ստացել է կուտակված աշխատավարձի պարտքը
Մեկ-երկու օրերի ընթացքում նաիրիտցիների աշխատավարձի վճարումները կսկսվեն. Երվանդ Զախարյան
Նաիրիտցիները դադարեցնում են բողոքի ակցիաները
Նաիրիտցիները պահանջում են ամբողջ պարտքը միանգամից
Նաիրիտցիները փակել են Բագրատունյաց պողոտան
Նաիրիտցիները կսպասեն մինչև հուլիսի 15-ը
Մինչև հուլիսի 15-ը աշխատավարձի ողջ պարտքը կվճարվի. վարչապետ
Հնարավոր է նաիրիտցիները նստացույց սկսեն
Նաիրիտցիներին կրկին խոստացել են (տեսանյութ)
«Նաիրիտ» գործարանի գույքի օտարումը բացառությամբ իրականացվում է նրա տնօրինության կողմից. փոխնախարար
Նաիրիտցիները միանալու են էլեկտրաէներգիայի սակագնի թանկացման դեմ պայքարին
Զախարյանը դեմագոգիայով է զբաղված. Զուրաբյան
Որևէ նախարար իրավունք չունի չհարգել օրենքը. վարչապետ
Նախարարությունը` «Նաիրիտ»-ի գույքը գրավից հանելու մասին
«Նաիրիտ»-ի գույքը հանվում է գրավից