Ձեր վստահելի աղբյուրը

Հենրիխ Մխիթարյանի ֆեյսբուքյան էջը՝ «Բորուսիա»-«Վոլֆսբերգեր» խաղից հետո ողողվել է «Բորուսիա»-ի հայ ու գերմանացի երկրպագուների գովեստի, հիացմունք ու շնորհակալություն արտահայտող խոսքերով: Հիշեցնենք, որ Եվրոպայի լիգայի որակավորման 3-րդ փուլում գերմանական ակումբը ավստրիական ակումբի նկատմամբ հաղթանակի տոնեց 5:0 հաշվով:

Panorama.am-ն առանձնացրել է Մխիթարյանի էջում արված մեկնաբանություններից մի քանիսը.
«Շատ լավ խաղ ցուցադրեցիք: Դուք աշխարհի լավագույն խաղացողներից մեկն եք: Միայն ձեր տեխնիկական հնարքներն այնքան հիանալի են»,-գրել է Ֆրեդի Նիգեմ անունով գերմանացի ֆուտբոլասերը:

«Այս գիշեր հիանալի ֆուտբոլային ներկայացում էր: Երևում է՝ մենք ճիշտ որոշում ենք կայացրել, որ մեր երեխայի անունը Հենրիկ ենք դրել»,-գրել է Մարքլ Ջահն անունով օգտատերը:

«Հիանալի խաղ էր: Քո բոլոր երեք գոլերն էլ շատ գեղեցիկ էին»,-նշել է Դա Նի անունով գերմանացին:
Գերմանացիների մեծ մասն արձանագրել է. « LEGEND!!! You're a great player!! You've been fantastic! Great game, Miki »: Նրանք վստահություն են հայտնում, որ խաղային այս սեզոնը Մխիթարյանինն է լինելու:

Իսկ հայերը հպարտանում են ու «մեռնում». «Մեռնեմ ջանիդ, ախպերս: So much proud of you:

«Դու որքան հիանալի խաղացող ես: Այս 90 րոպեներն անմոռանալի էին: Շնորհակալ եմ սքանչելի խաղի համար: Ես հույս ունեմ, որ քո բոլոր խաղերը կլինեն այնպես, ինչպես այսօր, կամ էլ ավելի լավը: ԵՍ հավատում եմ քեզ»,-գրել է Անահիտ Հախվերդյան անունով հայուհին:

Ալեն Սարգսյանն էլ գրել է. « Great game. Самый лучший из Армян это Генрих Мхитарян»:

Նախորդող լուր՝
Մխիթարյանի գոլերը (տեսանյութ)