Ձեր վստահելի աղբյուրը

Սահմանադրությունը նախատեսված է մարդ-հասարակություն-պետություն շղթան ապահովելու համար: Այսօր լրագրողների հետ հանդիպմանն իր խոսքն այսպես սկսեց սահմանադրագետ Վարդան Այվազյանը:

Նա ընդգծեց, որ սահմանադրության մեջ կարևոր է գաղափարախոսական և տեխնիկական պահը. «Մինչ այս մեր սահմանադրությունները ապահովել են տեխնիկական կողմը, բայց ցավոք սրտի, ուշադրություն չի դարձվել գաղափարախոսությանը»:

Սահմանդրագետը նկատեց, որ սահմանադրության նոր նախագծում պետք է լինի համակարգային մոտեցում, իսկ այսօր նախագիծը քննարկելիս շատերը կենտրոնանում են միայն որոշ դրույթների ու բառերի վրա:

«Սահմանադրության փոփոխությունների նախագծում չկա սահմանադրության պաշտպանության համակարգ, հստակ պետք է կանոնակարգվեր փոփոխությունների անհրաժեշտությունը, այսինքն պետք է ներկայացվեր այդ փոփոխության հիմքերն ու կանոնակարգը»,-նշեց Վ. Այվազյանը՝ ավելացնելով, որ դա բացակայում է նաև ներկայիս սահմանադրությունում: