Ձեր վստահելի աղբյուրը

Գյումրու շուրջ երկու տասնյակ դպրոցների տնօրենների ու Ոստիկանության Շիրակի մարզային վարչության պետի մասնակցությամբ տեղի ունեցած խորհրդակցության ժամանակ Շիրակի մարզպետ Ֆելիքս Ցոլակյանն ուսուցիչներին հորդորել է խուսափել մեղմ ասած գործ տվողի կարգավիճակում հայտնվելուց:

«Իրականացնել ցանկացած աշխատանք, հատկապես դժվար երեխաների հետ խնդիրները ճիշտ լուծելու ուղղությամբ: Չզլանալ, աշխատել մինչև վերջ, եթե ինչ որ բան չի ստացվի, նոր դիմել ոստիկանության օգնությանը»,-ասել է մարզպետը:

Մարզպետարանի հասարակայնության հետ կապերի վարչության փոխանցմամբ, մարզի ոստիկանապետ Գրիգոր Ամիրխանյանն իր հերթին հավաստիացրել է, որ տարվող և ոչ մի անհատական աշխատանք, չի ստանա հնչեղություն, երեխայի և վերջինիս ծնողի շահերից բխելով, բայց կլինի շատ լուրջ և հետևողական աշխատանք նման երեխաների և նրանց ընտանիքների հետ:

«Չկա դժվար երեխա, հետևողական յուրաքանչյուր աշխատանք, տալու է իր դրական արդյունքը, թեկուզ շատ փոքր, եթե արդյունք չկա, ուրեմն նման մարդու տեղն այլևս հասրակության մեջ չէ»,-ասել է նա: