Ձեր վստահելի աղբյուրը

Ցանկացած երկիր սահմանադրություն ընդունելու ժամանակ պետք է առաջնորդվի իր երկրի սահմանադրական մշակույթով և սովորույթով: Այսօր լրագրողների հետ հանդիպմանը նման դիտարկում արեց Սահմանադրական դատարանի անդամ Կիմ Բալայանը:

Նրա խոսքերով, սա ոչ թե սահմանադրական բարեփոխումների նախագիծ է, այլ նոր սահմանադրության նախագիծ:

Նախագիծը գնահատելով օրինականության և իրավական տեսանկյունից՝ Կիմ Բալայանն ասաց, որ այս նախագծում առաջնային և դրական քայլ կա դեպի ՀՀ անկախության հռչակագիրը:

«Նախագծին սևով կամ սպիտակով նայելու խնդիր չեմ տեսնում, մեկ դրական քայլ առաջ է իրավական և ժողովրդավարական տեսակետից: Ամենակարևոր հանգամանքն այն է, որ Անկախության հռչակագրով սահմանված ժողովրդի իշխանությունը վերադարձվում է ժողովրդին, հանրաքվեով օրենքներ ընդունելու համար»,-նշեց Կ. Բալայանը:

ՍԴ անդամը նաև նկատեց, որ եթե թվարկում է դրական դրույթները, դա չի նշանակում, որ պետք է աչք փակվի թերությունների և բացասականի վրա. «Մի շարք անհասկանալի հարցեր կան՝ սկսած նախագծի լեզվից մինչև մի շարք ընդհանուր կանոններ»:

Նա ընդգծեց, որ այս նախագծին «այո» կամ «ոչ» ասել չի կարող, քանի որ այն դեռ վերջնական չէ:

ՍԴ անդամի գնահատականներն առավել մանրամասն՝ տեսանյութում: