Ձեր վստահելի աղբյուրը

Այսօրվանից Հայաստանում եռօրյա զորավարժություններ են սկսում։ Իհարկե, նմանատիպ պրոֆիլակտիկ միջոցառումներ էլի են անցկացվել Հայաստանում, բայց դրանք ղեկավարվել են ՀՀ պաշտպանության նախարարի ու ՀՀ նախագահի աշխատակազմի որևէ ներկայացուցչի կողմից։ «Ժողովուրդ»–ին հաջողվել է պարզել, որ այսօրվանից մեկնարկող «ռազմական օպերացիան» ղեկավարելու է անձամբ Սերժ Սարգսյանը՝ որպես գերագույն գլխավոր հրամանատար։

«Զորավարժությունների ընթացքում տարբեր իրավիճակներ են «բեմադրվելու»՝ սկսած թուրք֊քրդական բախումների սրման գագաթնակետից, մինչև մեզ համար ամենօրյա ռազմական գործողությունները՝ հայ-ադրբեջանական սահմանին։

Հայրենի պաշտոնյաները պետք է կարողանան իրենց ճիշտ, ճկուն ու խիզախ դրսևորել՝ յուրաքանչյուրը կատարելով իր առաքելությունը։ Ինչպես հայտնել էինք՝ ՀՀ Կառավարության աշխատակազմի ու նախարարությունների արական սեռի ներկայացուցիչները հերթափոխով գիշերելու են աշխատավայրում՝ առանց համացանցի ու անլուրջ ֆոտոսեսիաների»,–գրել է թերթը։