Ձեր վստահելի աղբյուրը

«Շանթ-2015» ռազմավարական հրամանատարաշտաբային զորավարժությունների շրջանակում այսօր պաշտանության և տարածքային կառավարման ու արտակարգ իրավիճակների նախարարությունների ներկայացուցիչների վերահսկողությամբ Մատենադարանում, Հայաստանի Ազգային պատկերասրահում իրականացվել է տարհանում: Լրագրողներին ասաց պաշտպանության նախարարության մամուլի քարտուղար Արծրուն Հովհաննիսյանը:

Նա նաև տեղեկացրեց, որ զորավարժությունների սցենարի համաձայն կարդագրական եղանակով ՀՀ կապի և տեղեկատվական համակարգի ղեկավարման որոշակի գործառույթների ուղիղ ղեկավարումը փոխանցել են ՀՀ Զինված ուժերին: Նա նշեց, որ հատկապես ուժային բոլոր կառույցները նման իրավիճակներում ենթարկվում են ՀՀ Զինված ուժերի գլխավոր շտաբին:

«Էրեբունի» բժշկական կենտրոնում լրացուցիչ 100 մահճակալ, Արտաշատի հիվանդանոցում լրացուցիչ 50 մահճակալ են տեղադրվել՝ պայմանական վիրավորների համար:

Զորավարժությունների սցենարի համաձայն այսօր ժամը 18:00-ից բնակչության պայմանական տարհանման նպատակով Երևանում՝ Հանրապետության հրապարակում, 30 ավտոբուսից բաղկացած շարասյուն է ձևավորվելու: Երևանի Ավան թաղամասում խաղարկվելու է պարետային ժամ:

Հիշեցնենք, որ սեպտեմբերի 3-6-ը Հայաստանի Հանրապետությունում անցկացվում է «Շանթ-2015» ռազմավարական հրամանատարաշտաբային զորավարժություններ: Զորավարժությունը նպատակաուղղված է պաշտպանությանը պետության անմիջական նախապատրաստության և ագրեսիայի հետմղման ընթացքում պետական և ռազմական կառավարման մարմինների զորահավաքային նախապատրաստության, պատրաստականության բարձր աստիճանների բերման ունակության վերստուգմանը, փոխգործակցության և գործողությունների ներդաշնակության մակարդակի բարձրացմանը:

Նախորդող լուրեր՝